ഈ ഗ്രാമത്തിൽ കാലുകുത്തിയാൽ കല്യാണംമുടക്കികളാ; യുവ താരനിരയുമായി 'വത്സലാ ക്ലബ്ബ്' തിയേറ്ററിലേക്ക്

ഭാരതക്കുന്ന് എന്ന സാങ്കൽപ്പിക ഗ്രാമത്തിൽ വർഷങ്ങളായി നിലനിന്നുപോരുന്ന വിചിത്രമായ വിവാഹംമുടക്കൽ സമ്പ്രദായത്തിൻ്റെ പശ്ചാത്തലത്തിലൂടെ അണിയിച്ചൊരുക്കുന്ന ചിത്രമാണ് 'വത്സലാ ക്ലബ്ബ്'. അന്നാട്ടുകാർക്ക് ഈ വിവാഹം മുടക്കൽ ഒരു മത്സരവും ആഘോഷവും ആണ്. ആൺ-പെൺ വ്യത്യാസമില്ലാതെ തലമുറതലമുറയായി കൈമാറി പോരുന്ന പാരമ്പര്യമാണിത്. സ്വന്തം മക്കളുടെ വിവാഹം പോലും മുടക്കുന്നതിൽ ഇവർക്ക് തെല്ലും ദുഃഖമില്ല. ഏറ്റവും കൂടുതൽ കല്യാണം മുടക്കുന്നവർക്ക് മുടക്കുദണ്ഡ് എന്ന പാരിതോഷികം വരെ നൽകും. സെപ്റ്റംബർ 26ന് ചിത്രം തിയേറ്ററിലെത്തും.