Ustaad | ഇനി പരമേശ്വരൻ്റെ വരവ്; രാവണപ്രഭുവിനു ശേഷം മോഹൻലാലിന്റെ 'ഉസ്താദ്' റീ റിലീസിന് ഒരുങ്ങുന്നു

പഴയകാല മോഹൻലാൽ ചിത്രങ്ങളുടെ വലിയ സവിശേഷതയാണ് ആ ചിത്രങ്ങൾ വീണ്ടും കാണാൻ പ്രേക്ഷകരെ പ്രേരിപ്പിക്കുന്ന ‘റിപ്പീറ്റ് വാല്യൂ’. കാണുന്നവരെ ഒട്ടും മടുപ്പിക്കാത്ത, ആവർത്തിച്ചു കാണാൻ തോന്നിപ്പിക്കുന്ന ഒരു മാജിക്; അത് മോഹൻലാൽ ചിത്രങ്ങൾക്കുണ്ട്. സ്ഫടികം, ദേവദൂതൻ, ഛോട്ടാ മുംബൈ, മണിച്ചിത്രത്താഴ്, രാവണപ്രഭു തുടങ്ങി അദ്ദേഹത്തിന്റെ ചിത്രങ്ങളുടെ റീ-റിലീസുകൾ ആവർത്തിച്ച് ഹിറ്റ് അടിക്കുന്നതും ഇതിന് തെളിവാണ്. ഇനി റീ-റിലീസിന് ഒരുങ്ങുന്ന മോഹൻലാൽ ചിത്രം 'ഉസ്താദ്' (Ustaad) ആണ്.