നിത്യ ഹരിത നായകൻ ഉറങ്ങുന്നതിവിടെ!

മലയാളത്തിൽ എക്കാലവും നിത്യ ഹരിത നായകൻ ഒരാളേയുള്ളൂ, പ്രേം നസീർ. അനശ്വര വേഷങ്ങളും ഗാനങ്ങളും അത്രയേറെയുണ്ട് ഇദ്ദേഹത്തെ ഓർക്കാൻ. പക്ഷെ ആ പ്രതിഭ അന്തിയുറങ്ങുന്നയിടം കണ്ടാൽ ആർക്കും തൊണ്ടയൊന്നിടറും. പുല്ലു കയറി ആരും തിരിഞ്ഞു നോക്കാനില്ലാത്ത അവസ്ഥയിലാണ് തിരുവനന്തപുരം ചിറയിൻകീഴിലെ ഖബർ സ്ഥാനത്തിന്റെ അവസ്ഥ. മണ്ണിൽ നിന്നും എഴുന്നേറ്റു നിൽക്കുന്ന പേര് കൊത്തിയ കല്ല് മാത്രമാണ് ഭൂമിക്കിടയിൽ അന്ത്യ വിശ്രമം കൊള്ളുന്നതാരെന്നു തിരിച്ചറിയാനുള്ള ഏക പോംവഴി. നിർമ്മാതാവ് സി.വി. സാരഥിയാണ് അവഗണിക്കപ്പെട്ട നിലയിലെ അന്ത്യ വിശ്രമ സ്ഥാനത്തിന്റെ ചിത്രം സമൂഹ മാധ്യമത്തിൽ പോസ്റ്റ് ചെയ്തത്.