Adi movie | അഭിമുഖങ്ങളിൽ കാണുന്ന ഷൈൻ ടോം ആകില്ല ഇത്; 'അടി' തിയേറ്ററിലേക്ക്

ഷൈന്‍ ടോം ചാക്കോയും അഹാന കൃഷ്ണയും ഒന്നിച്ചെത്തുന്ന അടി തിയെറ്ററുകളിൽ പ്രദർശനത്തിന് എത്തുകയാണ്. റിലീസിനോട് അനുബന്ധിച്ച് നിർമ്മാതാവായ ദുൽഖർ സൽമാൻ കുറിച്ച വാക്കുകൾ ഇങ്ങനെ. “ഏറെ സ്നേഹം നിറച്ച് ഞങ്ങൾ ഒരുക്കിയ അടി തീയറ്ററുകളിൽ എത്തുകയാണ്. എനിക്ക് ഒത്തിരി പ്രിയപ്പെട്ടവരായ നടീനടന്മാരും അണിയറ പ്രവർത്തകരും ചേർന്ന് ഒരുക്കിയ ഒരു മനോഹര ചിത്രമാണിത്. കോവിഡ് മൂലം നിരവധി പ്രതിസന്ധികൾ നേരിട്ടെങ്കിലും തിയെറ്ററുകളിൽ തന്നെ ഈ ചിത്രം എത്തിക്കുവാൻ ഞങ്ങൾ അഹോരാത്രം അധ്വാനിച്ചിട്ടുണ്ട്. ഞങ്ങൾ എത്തുകയാണ്. സുഹൃത്തുക്കൾക്കും കുടുംബത്തോടും ഒപ്പം ചിത്രം കണ്ട് അഭിപ്രായം ഞങ്ങളെ അറിയിക്കുക. എൻ്റെ സിനിമകൾ നിർമ്മിക്കുക എന്നത് പോലെ തന്നെ മറ്റ് നടന്മാരുടെ ചിത്രങ്ങളും നിർമിക്കുക എന്നത് വെഫറർ ഫിലിംസിൻ്റെ ലക്ഷ്യങ്ങളിൽ ഒന്നാണ്. ഇതിൻ്റെ കഥ കേട്ടപ്പോൾ തന്നെ ഈ ചിത്രത്തിൻ്റെ ഭാഗമാകുവാൻ ആഗ്രഹം തോന്നിയിരുന്നു. ഞങ്ങൾക്ക് നിങ്ങൾ തരുന്ന ഓരോ പിന്തുണക്കും ഒരായിരം നന്ദി.”