അടുത്ത വർഷം 'ജോജി'യുമായി വരാമെന്ന് ദിലീഷ് പോത്തൻ; പ്രചോദനം വില്യം ഷേക്സ്പിയറിന്‍റെ മാക്ബെത്ത്

അടുത്ത വർഷം പുതിയ ചിത്രവുമായി വരാമെന്നറിയിച്ച് ദിലീഷ് പോത്തൻ. ഒരിടവേളയ്ക്ക് ശേഷം 'ജോജി' എന്ന ചിത്രത്തിലൂടെ സംവിധാന രംഗത്തേക്ക് തിരിച്ചു വരവിനൊരുങ്ങുകയാണ് ഇദ്ദേഹം. വില്യം ഷേക്സ്പിയറിന്റെ വിഖ്യാത ദുരന്ത നാടകമായ മാക്ബെത്തിൽ നിന്നും പ്രചോദനം ഉൾക്കൊണ്ടാണു തിരക്കഥ ഒരുക്കിയിരിക്കുന്നതെന്നാണ് അടുത്ത 'സംവിധാന ശ്രമം' പ്രഖ്യാപിച്ചു കൊണ്ടുള്ള ഫേസ്ബുക്ക് പോസ്റ്റിൽ ദിലീഷ് കുറിച്ചത്. മുൻ ചിത്രങ്ങൾക്ക് നൽകിയ പ്രോത്സാഹനം നന്ദിയോടെ ഓർക്കുന്നുവെന്നും അടുത്ത വർഷം ജോജിയുമായി വരാം എന്നും അറിയിച്ചാണ് കുറിപ്പ് അവസാനിക്കുന്നത്.