Dulquer Salmaan | ദുൽഖറിന്റെ 'ഉപചാരപൂര്വ്വം ഗുണ്ട ജയനിൽ' നായകനായി സൈജു കുറുപ്പ്; കൂടാതെ റോഷൻ ആൻഡ്രൂസ്- ദുൽഖർ ചിത്രവും
- Published by:user_57
- news18-malayalam
Last Updated:
Dulquer Salmaan production Upacharapoorvam Gunda Jayan and Rosshan Andrrews Dulquer movie | 'സെക്കന്റ് ഷോയുടെ' ഒൻപതാം വാർഷികത്തിൽ പുതിയ രണ്ടു ചിത്രങ്ങളുമായി ദുൽഖർ സൽമാൻ
കൊച്ചി: നടന് ദുല്ഖര് സല്മാന്റെ നിര്മ്മാണത്തില് ഒരുങ്ങുന്ന പുതിയ ചിത്രത്തിന്റെ ടൈറ്റില് പോസ്റ്റര് പുറത്തുവിട്ടു. ഉപചാരപൂര്വ്വം ഗുണ്ട ജയന് എന്ന് പേരിട്ടിരിക്കുന്ന ചിത്രം കഥ എഴുതി സംവിധാനം ചെയ്യുന്നത് അരുണ് വൈഗയാണ്.
വളരെ വ്യത്യസ്തമായ കഥാപാത്രങ്ങൾ ചെയ്ത് പ്രേക്ഷകരുടെ പ്രിയങ്കരനായി മാറിയ സൈജു കുറുപ്പാണ് ഈ ചിത്രത്തിൽ നായക വേഷം കൈകാര്യം ചെയ്യുന്നത്. അടുത്തിടെ 'ഗാർഡിയൻ' എന്ന ഡിജിറ്റൽ റിലീസ് ചിത്രത്തിൽ സൈജു കുറുപ്പ് നായകവേഷം ചെയ്തിരുന്നു.
വേഫെയര് ഫിലിംസിന്റെ ബാനറില് ദുല്ഖര് സല്മാനും മൈ ഡ്രീംസ് എന്റര്ടൈന്മെന്റിന്റെ ബാനറില് ഷെബാബ് ആനികാടും ചേര്ന്നാണ് ചിത്രം നിര്മ്മിക്കുന്നത്.
നിര്മ്മാണ രംഗത്ത് നിന്ന് വിതരണ രംഗത്തേക്കും ഈ ചിത്രത്തിലൂടെ ദുല്ഖര് സല്മാന്റെ വേഫെയര് ഫിലിംസ് കടന്നിരിക്കുകയാണ്. ദുല്ഖര് വിതരണത്തിന് എത്തിച്ച് റിലീസ് ചെയ്യുന്ന ആദ്യ ചിത്രം ഇതായിരിക്കും.
advertisement
രാജേഷ് വര്മ്മയുടെതാണ് തിരക്കഥ. ചിത്രത്തില് സിജു വില്സണ്, ശബരീഷ് വര്മ്മ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
ഇതിന് പുറമെ ജോണി ആന്റണി, സാബു മോന്, ഹരീഷ് കണാരന്, ഷാനി ഷാക്കി, സുധീര് കരമന, ജാഫര് ഇടുക്കി, ബിജു സോപാനം, വിജിലേഷ്, തട്ടിം മുട്ടിം ഫെയിം സാഗര് സൂര്യ, വൃന്ദ മേനോന്, നയന, പാര്വതി തുടങ്ങിയവരും വേഷമിടുന്നു.
ഹരിനാരായണന്റെ വരികള്ക്ക് ബിജിബാല് ആണ് സംഗീതം പകര്ന്നിരിക്കുന്നത്. ക്യാമറ എല്ദോ ഐസക്, എഡിറ്റര് കിരണ് ദാസ്, സൗണ്ട് ഡിസൈന് വിഷ്ണു ഗോവിന്ദ്, ശ്രീ ശങ്കര്,
advertisement
പ്രൊജക്ട് ഡിസൈന് ജയ് കൃഷ്ണന്, പ്രൊഡക്ഷന് കണ്ട്രോളര് മനോജ് കാരന്തൂര്, ആര്ട് അഖില് രാജ് ചിറായില്, വസ്ത്രാലങ്കാരം അരുണ് മനോഹര്, മേക്കപ്പ് ജിതീഷ് പൊയ്യ,
അസോസിയേറ്റ്സ് ഡയറക്ടര്മാര് കിരണ് റാഫേല്, ബിന്റോ സ്റ്റീഫന്, പി.ആര്.ഒ വാഴൂര് ജോസ്, ആതിര ദില്ജിത്ത്, ഫോട്ടോ ഗിരീഷ് ചാലക്കുടി, സ്റ്റില്സ് നിഡാദ് കെ.എന്., പോസ്റ്റര് ഡിസൈന് ഓള്ഡ് മോങ്ക്സ്.
ദുൽഖർ സൽമാൻ-റോഷൻ ആൻഡ്രൂസ് ചിത്രം ആരംഭിച്ചു
ദുൽഖർ സൽമാനെ നായകനാക്കി റോഷൻ ആൻഡ്രൂസ് സംവിധാനം ചെയ്യുന്ന ഏറ്റവും പുതിയ ചിത്രത്തിന്റെ പൂജയും സ്വിച്ച് ഓൺ കർമ്മവും നടന്നു. ദുൽഖറും റോഷൻ ആൻഡ്രൂസും ഒരുമിക്കുന്ന ആദ്യ ചിത്രമാണിത്. തിരക്കഥയൊരുക്കുന്നത് ബോബി സഞ്ജയ് . വേഫറെർ ഫിലിമ്സിന്റെ ബാനറിൽ നിർമ്മിക്കുന്ന അഞ്ചാമത്തെ ചിത്രം കൂടിയാണിത്. ബോളിവുഡ് താരവും മോഡലുമായാ ഡയാന പെന്റിയാണ് ചിത്രത്തിലെ നായിക. മനോജ് കെ ജയൻ,അലൻസിയർ,ബിനു പപ്പു ,വിജയകുമാർ, ലക്ഷ്മി ഗോപാലസ്വാമി തുടങ്ങിയവർ മറ്റു പ്രധാന വേഷങ്ങളിൽ എത്തുന്നു.
advertisement
തെന്നിന്ത്യയിലെ പ്രശസ്ത സംഗീതജ്ഞൻ സന്തോഷ് നാരായണനാണ് ചിത്രത്തിന് വേണ്ടി സംഗീതമൊരുക്കുന്നത്. പിസ, സൂദു കാവും, കുക്കൂ, ജിഗർതണ്ട, മദ്രാസ്, കബാലി,കാല, പറയേറും പെരുമാൾ, വട ചെന്നൈ തുടങ്ങിയ ഹിറ്റ് ചിത്രങ്ങളിലൂടെ ശ്രദ്ധേയനായ സംഗീത സംവിധായകനാണ് സന്തോഷ് നാരായണൻ. ഛായാഗ്രഹണം അസ്ലം പുരയിൽ,മേക്കപ്പ് സജി കൊരട്ടി, വസ്ത്രാലങ്കാരം സുജിത് സുധാകരൻ, ആർട്ട് , സിറിൽ കുരുവിള,സ്റ്റിൽസ് രോഹിത് ,പ്രൊഡക്ഷൻ കൺട്രോളർ സിദ്ധു പനയ്ക്കൽ, പിആർഒ മഞ്ജു ഗോപിനാഥ്.
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Feb 04, 2021 7:00 AM IST
മലയാളം വാർത്തകൾ/ വാർത്ത/Film/
Dulquer Salmaan | ദുൽഖറിന്റെ 'ഉപചാരപൂര്വ്വം ഗുണ്ട ജയനിൽ' നായകനായി സൈജു കുറുപ്പ്; കൂടാതെ റോഷൻ ആൻഡ്രൂസ്- ദുൽഖർ ചിത്രവും
