Gal Gadot as Cleopatra | ക്ലിയോപാട്രയാകാൻ ഗാൽ ഗഡോട്ട്; ഈജിപ്ത് റാണിയുടെ വേഷം ചെയ്യാൻ ഇസ്രായേലി നടി എന്തിനെന്ന് വിമർശനം

Published by:Naseeba TC
news18-malayalam

Last Updated:Oct 12, 2020 3:36 PM IST

ഗാൽ ഗഡോട്ട് ഇസ്രായേൽ വംശജയാണെന്നതാണ് ഒരു വിഭാഗത്തിന്റെ എതിർപ്പിന് കാരണം.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ഈജിപ്തിലെ ശക്തയായ ഭരണാധികാരിയായിരുന്നു ക്ലിയോപാട്ര. സൗന്ദര്യം കൊണ്ടും ഭരണപാടവം കൊണ്ടും ചരിത്രത്തിൽ ഇടംനേടിയ വനിതയുടെ കഥ സിനിമയാക്കാൻ ഒരുങ്ങുകയാണ് സംവിധായിക പാറ്റി ജെൻകിസ്. വണ്ടർ വുമണായി എത്തിയ പാറ്റിയുടെ പ്രിയപ്പെട്ട നടി ഗാൽ ഗഡോട്ട് ആണ് ക്ലിയോപാട്രയുടെ വേഷം അഭിപ്രാളിയിൽ എത്തിക്കുന്നത്. ഇക്കാര്യം ഗാൽ സോഷ്യൽമീഡിയയിലൂടെ പങ്കുവെക്കുകയും ചെയ്തിരുന്നു.

ആരാധകർക്ക് ഏറെ സന്തോഷമുണ്ടാക്കുന്ന വാർത്തയാണെങ്കിലും വിവാദങ്ങൾക്കും തിരികൊളുത്തിയിരിക്കുകയാണ് ഗാലിന്റെ പ്രഖ്യാപനം. ഇസ്രായേലി നടിയായ ഗാൽ ഗഡോട്ട് ക്ലിയോപാട്രയാകുന്നതിലാണ് ഒരു വിഭാഗത്തിന് എതിർപ്പ്. ഗാലിന്റെ പ്രത്യേക താത്പര്യത്തിലാണ് ക്ലിയോപാട്ര സിനിമയാകുന്നത് എന്നാണ് റിപ്പോർട്ടുകൾ. ഏറെ കാലമായുള്ള തന്റെ ആഗ്രഹമാണ് ക്ലിയോപാട്രയുടെ കഥ സിനിമയാക്കുക എന്ന് ഗാൽ ഗഡോട്ടും വ്യക്തമാക്കിയിട്ടുണ്ട്.

View this post on Instagram

As you might have heard I teamed up with Patty jenkins and Leata Kalogridis to bring the story of Cleopatra, Queen of Egypt, to the big screen in a way she’s never been seen before. To tell her story for the first time through women's eyes, both behind and in front of the camera. And we are especially thrilled to be announcing this on International Day of the Girl! We hope women and girls all around the world, who aspire to tell stories will never give up on their dreams and will make their voices heard, by and for other women. #cleopatra #internationaldayofthegirl

A post shared by Gal Gadot (@gal_gadot) on Oct 11, 2020 at 4:05pm PDT

ഗാൽ ഗഡോട്ട് ഇസ്രായേൽ വംശജയാണെന്നതാണ് ഒരു വിഭാഗത്തിന്റെ എതിർപ്പിന് കാരണം. നിറത്തിന്റെ പേരിലും വിമർശനം ഉയരുന്നുണ്ട്. എന്തുകൊണ്ട് ഒരു അറബ് നടിയെ ക്ലിയോപാട്രയുടെ വേഷം ചെയ്യാൻ തിരഞ്ഞെടുക്കുന്നില്ലെന്ന ചോദ്യവും ചിലർ ഉന്നയിക്കുന്നു. ഹോളിവുഡ് നടിക്ക് പകരം ലെബനീസ് നടി നദീൻ നാസിബിനെ ക്ലിയോപാട്രയുടെ വേഷത്തിന് പരിഗണിക്കണമെന്നാണ് മറ്റുചിലരുടെ ആവശ്യം.

I'm sure Gal Gadot is going to do a wonderful job as Cleopatra. However, for me personally, I would love a Cleopatra who's darker than a brown paper bag, because that seems a bit more historically accurate.

— Morgan Jerkins (@MorganJerkins) October 11, 2020

കൂടാതെ ഗാൽ ഗഡോട്ടിനെതിരെയും ആക്രമണം നടക്കുന്നുണ്ട്. അറബുകളുടെ ഭൂമി തട്ടിയെടുത്തവരാണ് ഇസ്രായേലികൾ. ഇപ്പോൾ അവരുടെ ചരിത്ര കഥാപാത്രങ്ങളേയും തട്ടിയെടുക്കുന്നുവെന്നാണ് ഗാലിനെതിരെ പറയുന്നത്. ക്ലിയോപാട്രയുടെ വേഷത്തോട് ചരിത്രപരമായി നീതി പുലർത്തണമെങ്കിൽ അൽപ്പം ഇരുണ്ട നിറത്തിലുള്ള നടി ആ വേഷം ചെയ്യണമെന്ന് ചിലർ കമന്റ് ചെയ്യുന്നു.

Which Hollywood dumbass thought it would be a good idea to cast an Israeli actress as Cleopatra (a very bland looking one) instead of a stunning Arab actress like Nadine Njeim?

And shame on you, Gal Gadot. Your country steals Arab land & you’re stealing their movie roles... smh. https://t.co/GY5tYEcl4K pic.twitter.com/JcrnM1RUQq

— sameera khan (@SameeraKhan) October 11, 2020