'ഇതെന്താ മാജിക്കോ ? പണമില്ല,കാർഡുമില്ല;എല്ലാം സ്‌കാനറിൽ'; ഇന്ത്യയുടെ ഡിജിറ്റൽ പേയ്‌മെന്റ് കണ്ട് അമ്പരന്ന ജർമ്മൻ സഞ്ചാരി

ന്യൂഡൽഹി: ഇന്ത്യ സന്ദർശിക്കുന്ന വിദേശികളെ മുൻപൊക്കെ അത്ഭുതപ്പെടുത്തിയിരുന്നത് ഇവിടുത്തെ ഭക്ഷണവും വൈവിധ്യമാർന്ന സംസ്കാരവുമായിരുന്നു. എന്നാൽ ഇന്ന് അതിനെയെല്ലാം പിന്നിലാക്കി ഇന്ത്യയിലെ ഡിജിറ്റൽ ഇടപാടുകൾ ലോകശ്രദ്ധ നേടുകയാണ്. അടുത്തിടെ ഇന്ത്യ സന്ദർശിച്ച ഒരു ജർമൻ യുവാവിന്റെ അനുഭവമാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. ഇന്ത്യയിലെ റോഡരികിലെ തട്ടുകടകൾ മുതൽ വലിയ ക്ഷേത്രങ്ങളിൽ വരെ പണത്തിന് പകരം സ്മാർട്ട്‌ഫോൺ ഉപയോഗിച്ച് ഡിജിറ്റൽ പേയ്‌മെന്റുകൾ നടത്തുന്നത് കണ്ട് താൻ അമ്പരന്നുപോയി എന്നാണ് അദ്ദേഹം പറയുന്നത്.