പേളിഷ് വിവാഹ സത്ക്കാരത്തിൽ ബിലാൽ ലുക്കിൽ തിളങ്ങി മമ്മുക്ക

പേളി മാണി-ശ്രീനിഷ് അരവിന്ദ് വിവാഹ സത്ക്കാരത്തിൽ ബിലാൽ ലുക്കിൽ നടൻ മമ്മൂട്ടി. ആദ്യമായാണ് ബിലാലിലെ കഥാപാത്രത്തിന്റെ രൂപത്തിൽ മമ്മൂട്ടി ഒരു പൊതു ചടങ്ങിൽ പ്രത്യക്ഷപ്പെടുന്നത്. ഇക്കഴിഞ്ഞ ദിവസമായിരുന്നു ബിഗ് ബോസ് റിയാലിറ്റി ഷോയിലൂടെ പ്രണയബദ്ധരായ പേളി മാണിയും ശ്രീനിഷ് അരവിന്ദും കൊച്ചി ചൊവ്വര പള്ളിയിൽ വച്ച് വിവാഹിതരായത്. ശേഷം സിയാൽ കൺവെൻഷൻ സെന്ററിലായിരുന്നു വിവാഹ സൽക്കാരം. മലയാള സിനിമയിലെ പല പ്രമുഖരും പങ്കെടുത്ത ചടങ്ങായിരുന്നു ഇത്.

' isDesktop="true" id="115339" youtubeid="L6Y1PgOjfp4" category="film">

ഇന്നലെ കഴിഞ്ഞത് ക്രിസ്തീയ വിശ്വാസ പ്രകാരമുള്ള വിവാഹ ചടങ്ങായിരുന്നു. ഇനി മെയ് 8ന് ഹൈന്ദവാചാര പ്രകാരമുള്ള പേളിഷ് വിവാഹം നടക്കും. 100 ദിവസം ഒന്നിച്ചു താമസിക്കുന്ന റിയാലിറ്റി ഷോയിൽ ഫൈനല്‍ റൗണ്ട് വരെയെത്തിയ ഇരുവരും ആ വേളയിലെങ്കിലും തങ്ങളുടെ വിവാഹമോ, വിവാഹ നിശ്ചയമോ പ്രഖ്യാപിക്കും എന്ന പ്രതീക്ഷയില്‍ തുടങ്ങിയ കാത്തിരിപ്പിനാണ് വിവാഹത്തോടെ തിരശീല വീണത്. ഇരുവരും പേളിഷ് എന്ന പേരിൽ വെബ് സീരീസും പുറത്തിറക്കിയിരുന്നു.

അമൽ നീരദ് സംവിധാനം ചെയ്യുന്ന ചിത്രമാണ് ബിലാൽ. വരത്തനും ട്രാൻസിനും ശേഷം അമൽ നീരദ് സംവിധായകന്റെ കുപ്പായം അണിയുന്ന ചിത്രമാണിത്. ആദ്യം ഈ ചിത്രത്തിൽ മമ്മൂട്ടിയും ദുൽഖർ സൽമാനും ഒന്നിച്ചെത്തും എന്ന് വാർത്തയുണ്ടായിരുന്നെങ്കിലും ശേഷം ദുൽഖർ ചിത്രത്തിന്റെ ഭാഗമാവില്ല എന്ന വിശദീകരണം ഉണ്ടായി.