Barroz | Amitabh Bachchan Wishes Mohanlal | ബറോസിന് ആശംസകളുമായി അമിതാഭ് ബച്ചന്‍; നന്ദി അറിയിച്ച് മോഹൻ ലാല്‍

Last Updated:

ബാറോസ്: ഗാർഡിയൻ ഓഫ് ഡി'ഗാമാസ് ട്രെഷർ എന്ന പേരിലെ നോവൽ അടിസ്ഥാനമാക്കിയാണ് ജിജോ പുന്നൂസ് തിരക്കഥയൊരുക്കുന്നത്

അഭിനയ വിസ്മയം മോഹൻലാൽ സംവിധായകനായെത്തുന്ന ബറോസ് എന്ന ചിത്രത്തിന് ആശംസ അറിയിച്ച് ബോളിവുഡ് ബിഗ് ബി അമിതാഭ് ബച്ചന്‍. 'മഹാനായ മോഹൻലാലിന് തന്റെ ആദ്യ സംവിധാന സം‌രംഭമായ ‘ബാരോസിന്' എല്ലാവിധ ആശംസയും' എന്നാണ് ബോളിവുഡ് താരം അമിതാഭ് ബച്ചൻ ട്വിറ്ററിൽ കുറിച്ചത്. വിജയവും സമൃദ്ധിയും ആശംസിച്ചു കൊണ്ടായിരുന്നു ട്വീറ്റ്. ഇതിന് നന്ദി പറഞ്ഞ് മോഹന്‍ലാലും രംഗത്തെത്തി.
വളരെ നന്ദിയോടെയാണ് ഈ സന്ദേശം സ്വീകരിക്കുന്നതെന്നും ഈ അനുഗ്രഹം എല്ലായ്പ്പോഴും വിലമതിക്കുന്നതാണെന്നുമാണ് മറുപടി ട്വീറ്റില്‍ ലാല്‍ കുറിച്ചത്. 'സര്‍, അഗാധ സ്‌നേഹം നിറഞ്ഞ ഈ വാക്കുകൾ വളരെ നന്ദിയോടെ ഞാന്‍ സ്വീകരിക്കുന്നു. ഈ വാക്കുകൾ ഹൃദയത്തെ സ്പർശിക്കുന്നതും എല്ലായ്പ്പോഴും വിലമതിക്കുന്നതുമാണ്. നിങ്ങളോടുള്ള സ്നേഹവും ബഹുമാനവും എല്ലായ്പ്പോഴും തുടർന്നു കൊണ്ടേയിരിക്കും' നന്ദി സന്ദേശമായി മോഹൻ ലാൽ കുറിച്ചു.
മോഹൻലാൽ സംവിധായകനായെത്തുന്ന ബറോസിന്‍റെ ചിത്രീകരണം ഇന്ന് ആരംഭിക്കും. ചിത്രത്തിന്‍റെ പൂജാ ചടങ്ങുകൾ എറണാകുളത്ത് നടന്നു. മമ്മൂട്ടി, ദിലീപ്, പൃഥ്വിരാജ്, സത്യൻ അന്തിക്കാട്, സിബി മലയിൽ തുടങ്ങി താരനിബിഡമായ സദസിലായിരുന്നു ചിത്രത്തിന്‍റെ പൂജാ ചടങ്ങുകൾ നടന്നത്. ചടങ്ങുകൾ മോഹൻലാലിന്‍റെ ഫേസ്ബുക്ക് പേജിലൂടെ ലൈവായി സംപ്രേഷണം ചെയ്യുകയും ചെയ്തിരുന്നു.
advertisement
Barroz pooja
Barroz pooja
പതിറ്റാണ്ടുകൾ നീണ്ട കരിയറിൽ മോഹൻലാൽ ആദ്യമായി സംവിധായകനാവുന്ന ചിത്രമാണ് 'ബാറോസ്: ഗാർഡ്യൻ ഓഫ് ഡി'ഗാമാസ് ട്രെഷർ'. കുട്ടികൾക്ക് വേണ്ടി 3D യിൽ ഒരുങ്ങുന്ന ചിത്രത്തിന്റെ പ്രീ-പ്രൊഡക്ഷൻ ജോലികൾ നിലവിൽ കൊച്ചിയിലെ നവോദയ സ്റ്റുഡിയോയിൽ പുരോഗമിക്കുകയാണ്. ജിജോ പുന്നൂസ് ആണ് തിരക്കഥാകൃത്ത്. ചിത്രത്തിൽ പൃഥ്വിരാജ് സുകുമാരൻ, പ്രതാപ് പോത്തൻ എന്നിവർ വേഷമിടുന്നുണ്ട്. വിദേശ നടി പാസ് വേഗ ചിത്രത്തിന്റെ ഭാഗമാണ്.
advertisement
ബാറോസ്: ഗാർഡിയൻ ഓഫ് ഡി'ഗാമാസ് ട്രെഷർ എന്ന പേരിലെ നോവൽ അടിസ്ഥാനമാക്കിയാണ് ജിജോ പുന്നൂസ് തിരക്കഥയൊരുക്കുന്നത്. ബാറോസ് എന്ന നിധിസൂക്ഷിപ്പുകാരന്റെ വേഷം മോഹൻലാൽ ചെയ്യും. ഗോവയും പോർട്ടുഗലുമാണ്‌ പ്രധാന ലൊക്കേഷനുകൾ. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് നിർമ്മാണം. 2019 ഏപ്രിൽ മാസത്തിലാണ് താൻ സംവിധായകനാകാൻ പോകുന്ന വിവരം മോഹൻലാൽ തന്റെ ബ്ലോഗിൽ കുറിച്ചത്.
advertisement
കുട്ടികൾക്കും വലിയവർക്കും ഒരുപോലെ ആസ്വദിക്കാവുന്ന ചിത്രമായിരിക്കുമിതെന്ന് മോഹൻലാൽ പറഞ്ഞിരുന്നു. 'കഥയുടെ മാന്ത്രിക പരവതാനിയേറി യാത്ര ചെയ്യാം. അത്ഭുത ദൃശ്യങ്ങൾ നുകരാം. അറബിക്കഥകൾ വിസമയങ്ങൾ വിരിച്ചിട്ട നിങ്ങളുടെ മനസുകളിൽ പോർച്ചുഗീസ് പശ്ചാത്തലത്തിൽ ബറോസിന്‍റെ തീർത്തും വ്യത്യസ്തമായ ഒരു ലോകം തീർക്കണമെന്നാണ് എന്‍റെ സ്വപ്നം'- മോഹൻലാൽ ബ്ലോഗിൽ കുറിച്ചതിങ്ങനെ.
അഭിനയരംഗത്തു നിന്നും സംവിധാന മേഖലയിലേക്ക് ചുവടെടുത്ത് വയ്ക്കുന്ന അവസരത്തിൽ ആരാധകരുടെയും അനുഗ്രഹവും പിന്തുണയും ഉണ്ടാകണമെന്ന് മോഹൻലാൽ കഴിഞ്ഞ ദിവസം പറഞ്ഞിരുന്നു.
"ജീവിത വഴിത്താരയിൽ വിസ്മയ ചാർത്തുകളിൽ സ്വയം നടനായി, നിർമ്മാതാവായി, സിനിമ തന്നെ ജീവനായി, ജീവിതമായി. ഇപ്പോഴിതാ, ആകസ്മികമായ മറ്റൊരു വിസ്മയത്തിനു തിരനോട്ടം കുറിക്കുന്നു. 24ന് ചിത്രീകരണം ആരംഭിക്കുന്ന ബറോസ് എന്ന ത്രിമാന ചിത്രത്തിലൂടെ സംവിധായകനായി അരങ്ങേറ്റം കുറിക്കുകയാണ് ഞാൻ. ഈ നിയോഗത്തിനും എനിക്ക് തിര-ജീവിതം തന്ന നവോദയയുടെ ആശിർവാദവും, സാമീപ്യവും കൂടെയുണ്ടെന്നത് ഈശ്വരാനുഗ്രഹം. ബറോസിനൊപ്പമുള്ള തുടർ യാത്രകളിലും അനുഗ്രഹമായി, നിങ്ങൾ ഏവരും ഒപ്പമുണ്ടാകണമെന്ന്, ആത്മാർത്ഥമായി പ്രാർത്ഥിക്കുന്നു," എന്നായിരുന്നു ഫേസ്ബുക്കിൽ പോസ്റ്റ് ചെയ്ത വീഡിയോയിലെ വാക്കുകൾ.
മലയാളം വാർത്തകൾ/ വാർത്ത/Film/
Barroz | Amitabh Bachchan Wishes Mohanlal | ബറോസിന് ആശംസകളുമായി അമിതാഭ് ബച്ചന്‍; നന്ദി അറിയിച്ച് മോഹൻ ലാല്‍
Next Article
advertisement
യൂത്ത് ലീഗ്, യൂത്ത് കോൺഗ്രസ് പ്രവർത്തകർ‌ക്കൊപ്പം പോലീസ് സ്റ്റേഷനിൽ ജന്മദിന കേക്ക് മുറിച്ച ഇന്‍സ്‌പെക്ടര്‍ക്ക് സസ്‌പെന്‍ഷന്‍
യൂത്ത് ലീഗ്, യൂത്ത് കോൺഗ്രസ് പ്രവർത്തകർ‌ക്കൊപ്പം സ്റ്റേഷനിൽ ജന്മദിനകേക്ക് മുറിച്ച ഇന്‍സ്‌പെക്ടര്‍ക്ക് സസ്‌പെന്‍ഷൻ
  • കെ പി അഭിലാഷ് യൂത്ത് ലീഗ്, യൂത്ത് കോൺഗ്രസ് പ്രവർത്തകരോടൊപ്പം കേക്ക് മുറിച്ചതിന് സസ്‌പെന്റ് ചെയ്തു.

  • അഭിലാഷിന്റെ ക്രിമിനൽ ബന്ധം വെളിപ്പെടുത്തുന്ന സിഡിആർ, സാമ്പത്തിക ഇടപാട് തെളിവുകൾ റിപ്പോർട്ടിൽ.

  • അഭിലാഷ് ഗുരുതരമായ മോശം പെരുമാറ്റം, അച്ചടക്കമില്ലായ്മ, അധികാര ദുര്‍വിനിയോഗം നടത്തിയതായി കണ്ടെത്തി.

View All
advertisement