Nayakan Prithvi | പ്രതിഫലം ഇല്ലാതെ അഭിനേതാക്കളും അണിയറക്കാരും; വേറിട്ട വഴിയിലൂടെ മലയാള ചിത്രം 'നായകൻ പ്രിഥ്വി'

ഒരു ചെറിയ ബജറ്റ് ചിത്രം എന്ന കണക്കിൽ പറഞ്ഞാൽ ഇന്നത്തെ കാലത്ത് ഏതാനും കോടികൾ കൊണ്ട് പൂർത്തിയാക്കിയ സിനിമ എന്നാകും വയ്പ്പ്. എങ്കിൽ വിശ്വസിച്ചേ മതിയാകൂ. ലക്ഷങ്ങൾ ചിലവാക്കി ചെയ്ത ചിത്രം റിലീസ് ചെയ്യാൻ തയാറെടുക്കുന്നു, മലയാളത്തിൽ. മെയ് മാസത്തിലാണ് ‘നായകൻ പ്രിഥ്വി’ എന്ന സിനിമയുടെ പ്രദർശനം ആരംഭിക്കുക. ക്രൗഡ് ഫണ്ടിംഗ് വഴി സ്വരൂപിച്ച പണം കൊണ്ടുള്ള ചിത്രത്തിൽ ക്യാമറയ്ക്കു മുന്നിലോ പിന്നിലോ ഉള്ളവർ പ്രതിഫലം പറ്റാതെയാണ് വളരെ ചുരുങ്ങിയ ബജറ്റിൽ ഷൂട്ടിംഗ് പൂർത്തിയാക്കിയത്. പ്രസാദ് ജി. എഡ്വേർഡ് ആണ് സംവിധായകനും കഥാകൃത്തും.