Nivin Pauly | തമിഴിലെ തീപാറും ഡയലോഗ് പുഷ്പം പോലെ പറഞ്ഞ് നിവിൻ പോളി; 'ഏഴ് കടല്‍ ഏഴ് മലൈയുടെ' ഡബ്ബിങ് പൂർത്തിയായി

ഏറെ പ്രേക്ഷക പ്രശംസ നേടിയ മമ്മൂട്ടി ചിത്രം പേരന്‍പിന്റെ സംവിധായകന്‍ റാമിന്റെ പുതിയ ചിത്രം ‘ഏഴ് കടല്‍ ഏഴ് മലൈയില്‍’ ചെന്തമിഴില്‍ പുഷ്പം പോലെ ഡബ് ചെയ്ത് നിവിന്‍ പോളി (Nivin Pauly). ചിത്രത്തിന്റെ ഡബ്ബിങ് ചെന്നൈയില്‍ പൂര്‍ത്തിയായി. ബിഗ് ബജറ്റ് ചിത്രമായ വിടുതലൈയിൽ നായക വേഷം ചെയ്ത് കോമഡി മാത്രമല്ല ക്യാറക്ടര്‍ റോളും തനിക്ക് വഴങ്ങുമെന്ന് തെളിയിച്ച സൂരി ചിത്രത്തില്‍ പ്രധാന വേഷത്തില്‍ എത്തുന്നുവെന്നതും ‘ഏഴ് കടല്‍ ഏഴ് മലൈയുടെ’ പ്രത്യേകതയാണ്.