Ordinary movie | കുഞ്ചാക്കോ ബോബൻ- ബിജു മേനോൻ ചിത്രം 'ഓർഡിനറിക്ക്' രണ്ടാം ഭാഗമുണ്ടോ? നിർമ്മാതാവ് പറയുന്നു
- Published by:user_57
- news18-malayalam
Last Updated:
ചെറിയ ബഡ്ജറ്റിൽ നിർമ്മിച്ച ചിത്രം ബോക്സ് ഓഫീസിൽ 20 കോടി രൂപ നേടിയിരുന്നു
ഗവി എന്ന ദൃശ്യമനോഹാരിത നിറഞ്ഞ സ്ഥലത്തെ പരിചയപ്പെടുത്തി 2012ൽ പുറത്തിറങ്ങിയ സിനിമയാണ് കുഞ്ചാക്കോ ബോബൻ (Kunchacko Boban), ബിജു മേനോൻ (Biju Menon) എന്നിവർ നായകന്മാരായ 'ഓർഡിനറി' (Ordinary). സുഗീത് സംവിധാനം ചെയ്ത ചിത്രം 'മാജിക് മൂൺ പ്രൊഡക്ഷൻസിന്റെ' ബാനറിൽ രാജീവ് ഗോവിന്ദനാണ് നിർമ്മിച്ചത്. ചെറിയ ബഡ്ജറ്റിൽ നിർമ്മിച്ച ചിത്രം ബോക്സ് ഓഫീസിൽ 20 കോടി രൂപ നേടിയിരുന്നു. ഈ ചിത്രം പത്തു വർഷങ്ങൾക്കിപ്പുറം രണ്ടാം ഭാഗമായി പുറത്തിറങ്ങുന്നു എന്ന് റിപോർട്ടുകൾ പുറത്തുവന്ന സാഹചര്യത്തിൽ വിശദീകരണവുമായി നിർമ്മാതാവ് രംഗത്തെത്തി.
സിനിമയുടെ നിർമ്മാതാവ് രാജീവ് ഗോവിന്ദൻ വാർത്ത നിഷേധിച്ചു, "അങ്ങനെയൊരു പദ്ധതിയില്ല. ആരും തന്റെ അനുമതി വാങ്ങുകയോ അതിനെക്കുറിച്ച് അറിയിക്കുകയോ ചെയ്തിട്ടില്ല. കുഞ്ചാക്കോ ബോബനുമായോ ബിജു മേനോനുമായോ അങ്ങനെ ഒരു സംഭാഷണവും ചർച്ചയും നടത്തിയിട്ടില്ല," രാജീവ് ഗോവിന്ദൻ പ്രസ്താവനയിലൂടെ അറിയിച്ചു. പത്തനംതിട്ടയിൽ നിന്ന് ആങ്ങമൂഴി വഴി ഗവി ഗ്രാമത്തിലേക്ക് പോകുന്ന KSRTC ബസിലെ ഡ്രൈവറുടെയും കണ്ടക്ടറുടെയും ജീവിതമാണ് സിനിമയുടെ ഇതിവൃത്തം.
അടുത്തതായി പൃഥ്വിരാജ് നായകനായ ബ്രഹ്മാണ്ഡ ചിത്രം 'കാളിയൻ' നിർമ്മിക്കുന്നത് രാജീവ് ഗോവിന്ദനാണ്. ഈ സിനിമ 2022 ഓടെ പ്രവർത്തനമാരംഭിക്കും.
advertisement
Summary: Producer Rajeev Govindan denies reports of 2012 Malayalam movie Ordinary getting a sequel. Kunchacko Boban and Biju Menon played the lead roles in the movie that made Gavi, a popular tourist destination among domestic tourists. It was directed by Sugeeth
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
August 04, 2022 12:26 PM IST
മലയാളം വാർത്തകൾ/ വാർത്ത/Film/
Ordinary movie | കുഞ്ചാക്കോ ബോബൻ- ബിജു മേനോൻ ചിത്രം 'ഓർഡിനറിക്ക്' രണ്ടാം ഭാഗമുണ്ടോ? നിർമ്മാതാവ് പറയുന്നു
