ഉറപ്പാണ്, ജൂനിയര്‍ എന്‍ടിആറിന്റെ 'ദേവര'യിൽ സെയ്ഫ് അലി ഖാനുണ്ട്; കഥാപാത്രത്തിന്റെ പേര് 'ഭൈര'

2024-ലെ ബ്രഹ്മാണ്ഡ ചിത്രങ്ങളില്‍ ഒന്നെന്നു വിശേഷിപ്പിക്കാവുന്ന ജൂനിയര്‍ എന്‍ടിആറിന്റെ (Jr NTR) ‘ദേവര’ (Devara) പ്രഖ്യാപനം മുതലേ മാദ്ധ്യമശ്രദ്ധ പിടിച്ചുപറ്റിയ ചിത്രമാണ്. ബിഗ്‌ ബജറ്റില്‍ ഒരുങ്ങുന്ന, താരപ്രകടനങ്ങള്‍ക്ക് മുന്‍‌തൂക്കം നല്‍കിക്കൊണ്ടുള്ള എന്റര്‍ടൈനറില്‍ ബോളിവുഡ് താരം സെയ്ഫ് അലി ഖാനും (Saif Ali Khan) ഒരു പ്രധാന വേഷത്തില്‍ എത്തുന്നുണ്ട്. സെയ്ഫ് അലി ഖാന്റെ പിറന്നാള്‍ ദിനത്തിൽ അദ്ദേഹം അവതരിപ്പിക്കുന്ന ‘ഭൈര’ എന്ന കഥാപാത്രത്തെ ചിത്രത്തിലെ നായകനായ ജൂനിയര്‍ എന്‍ടിആര്‍ ഫാന്‍സിന്റെ മുന്നില്‍ അവതരിപ്പിച്ചുകൊണ്ട് ക്യാരക്റ്റര്‍ പോസ്റ്റര്‍ പുറത്തുവിട്ടു.