Garudan | 75 ദിവസം നീളുന്ന മൂന്നു ഷെഡ്യൂളുകൾ; സുരേഷ് ഗോപി, ബിജു മേനോൻ ചിത്രം 'ഗരുഡൻ' പൂർത്തിയായി

മൂന്നു ഷെഡ്യൂളോടെ 75 ദിവസത്തോളം നീണ്ടു നിന്ന ചിത്രീകരണമായിരുന്നു ചിത്രത്തിനു വേണ്ടി വന്നതെന്ന് സംവിധായകൻ അരുൺ വർമ്മ പറഞ്ഞു. വൻ താരനിരയും വലിയ മുതൽമുടക്കുമുള്ള തികഞ്ഞ ലീഗൽ ത്രില്ലർ സിനിമയാണ് ഇത്.

നീതിക്കു വേണ്ടി പേരാടുന്ന ഒരു നീതി പാലകന്റേയും കോളജ് പ്രൊഫസറുടേയും ജീവിതത്തിലൂടെയാണ് ഈ ചിത്രം കടന്നുപോകുന്നത്. ചിത്രത്തിന്റെ ഓരോ ഘട്ടവും പ്രേക്ഷകനെ മുൾമുനയിൽ നിർത്തിക്കൊണ്ടുള്ള അവതരണമാണ് ചിത്രത്തിന്റേത്.

ദിലീഷ് പോത്തൻ, ജഗദീഷ്, സിദ്ദിഖ്, ദിവ്യാ പിള്ള, അഭിരാമി രഞ്ജിനി, തലൈവാസിൽ വിജയ്, അർജുൻ നന്ദകുമാർ, മേജർ രവി, ബാലാജി ശർമ്മ, സന്തോഷ് കീഴാറ്റൂർ, രഞ്ജിത്ത് കങ്കോൾ, ജയ്സ് ജോസ്, മാളവിക, ജോസുകുട്ടി, ചൈതന്യം പ്രകാശ്, എന്നിവരും ചിത്രത്തിലെ പ്രധാന വേഷങ്ങളിലെത്തുന്നു.

മിഥുൻ മാനുവൽ തോമസിന്റെ തിരക്കഥയാണ് ചിത്രത്തിന്റെ മറ്റൊരു ആകർഷണീയത. കഥ – ജിനേഷ് എം., സംഗീതം – ജെയ്ക്ക് ബിജോയ്സ്,ഛായാഗ്രഹണം – അജയ് ഡേവിഡ് കാച്ചപ്പിള്ളി, എഡിറ്റിംഗ് – ശ്രീജിത്ത് സാരംഗ്, കലാസംവിധാനം – അനിസ് നാടോടി, ചീഫ് അസ്റ്റോസ്സിയേറ്റ് ഡയറക്ടർ -ദിനിൽ ബാബു, മാർക്കറ്റിംഗ് – ബിനു ബ്രിങ്ഫോർത്ത്, പ്രൊഡക്ഷൻ ഇൻചാർജ്- അഖിൽ യശോധരൻ, ലൈൻ പ്രൊഡ്യൂസർ -സന്തോഷ് കൃഷ്ണൻ, പ്രൊഡക്ഷൻ മാനേജർ – ശിവൻ പൂജപ്പുര, പ്രൊഡക്ഷൻ എക്സിക്യൂട്ടീവ്- സതീഷ് കാവിൽക്കോട്ട, പ്രൊഡക്ഷൻ കൺട്രോളർ – ഡിക്സൻ പൊടുത്താസ്, പി.ആർ.ഒ.- വാഴൂർ ജോസ്,ഫോട്ടോ – ശാലു പേയാട്.