Corona Dhavan | ഒന്ന് കാണാൻ പോലും ഒരു കുപ്പി കിട്ടാതിരുന്ന കോറോണക്കാലം; രസകരമായ ട്രെയ്‌ലറുമായി 'കൊറോണ ധവാൻ'

‘കൊറോണ ധവാൻ’ (Corona Dhavan) സിനിമയുടെ ട്രെയ്‌ലർ പുറത്തിറങ്ങി. ലുക്ക്മാനും ശ്രീനാഥ് ഭാസിയും ജോണി ആന്റണിയും മറ്റും മുഖ്യവേഷങ്ങളില്‍ എത്തുന്ന ചിത്രത്തിന്റെ ട്രെയ്‌ലർ ഏറെ രസകരമായാണ് അവതരിപ്പിച്ചിട്ടുള്ളത്. ട്രെയ്‌ലറിനെപ്പറ്റിയുള്ള സോഷ്യല്‍ മീഡിയാ പോസ്റ്റുകളും ട്രെയ്‌ലറിന് താഴെയുള്ള കമന്റുകളും അതാണ്‌ സൂചിപ്പിക്കുന്നത്. ആനത്തടം എന്ന ഗ്രാമത്തിലെ മദ്യം ഇഷ്ടപ്പെടുന്ന ഒരുപറ്റം ആളുകളുടെ ജീവിതം കൊറോണയുടെ വരവോടെ എങ്ങനെ മാറിമറിയുന്നു എന്നതാണ് ചിത്രത്തിന്റെ ഇതിവൃത്തം. ഹാസ്യത്തിന്റെ മേമ്പൊടിയോടെയാണ് സംവിധായകന്‍ സി.സി. ചിത്രം ഒരുക്കിയിരിക്കുന്നത്. കൊറോണ ലോക്ക്ഡൌണ്‍ കാലത്ത് മലയാളികള്‍ നേരിടേണ്ടിവന്ന പല പ്രശ്നങ്ങളും ചിത്രത്തിന്റെ ട്രെയ്‌ലറില്‍ കാണാനാകും.