പ്രേമലുവിന്റെ രണ്ടാം ഭാ​ഗത്തിനായി ഞാനും എക്സൈറ്റഡാണ്, ഫണ്ണായ സിനിമയാകും': നസ്‍‌ലിൻ

മലയാള പ്രേക്ഷകർ മാത്രമല്ല, തമിഴിലെയും തെലുങ്കിലെയും ആരാധകർ കാത്തിരിക്കുന്നതാണ് പ്രേമലുവിന്റെ രണ്ടാം ഭാ​ഗം. ആരാധകരുടെ കാത്തിരിപ്പുരൾക്കുള്ള മറുപടി നൽകിയിരിക്കുകയാണ് നസ്ലിൻ. താനും മറ്റുള്ളവരെ പോലെ ഒരുപാട് എക്‌സൈറ്റഡായിട്ടാണ് പ്രേമലുവിന്റെ അടുത്ത ഭാഗത്തിനായി കാത്തിരിക്കുന്നതെന്നാണ് നസ്‍ലിൻ പറഞ്ഞത്.

എന്നാല്‍, അതിന്റെ സബ്‌ജെക്ട് താന്‍ ഇതുവരെ കേട്ടിട്ടില്ലെന്നും പറയാന്‍ മാത്രമുള്ള അപ്‌ഡേറ്റൊന്നും വന്നിട്ടില്ലെന്നും നടന്‍ പറഞ്ഞു. പ്രേമലുവിനേക്കാള്‍ കുറച്ചുകൂടെ ഫണ്ണായ സിനിമയാകുമെന്ന് ഉറപ്പാണെന്നും നസ്‍‌ലിൻ കൂട്ടിച്ചേര്‍ത്തു.