ലഹരിയില്ലാതെ അഭിനയം വരാത്ത അഭിനേതാക്കൾക്കൊപ്പം ഇനി സിനിമ ചെയ്യില്ല; നിലപാട് വ്യക്തമാക്കി അഭിലാഷ് പിള്ള

സിനിമാ മേഖലയിലെ ലഹരി ഉപയോ​ഗം വലിയ വിവാദമാകുന്നതിനിടയിൽ ലഹരിക്കെതിരായ തന്റെ നിലപാട് വ്യക്തമാക്കി തിരക്കഥാകൃത്ത് അഭിലാഷ് പിള്ള. സിനിമയാണ് തനിക്ക് ലഹരി അതല്ലാതെ സിനിമ ലൊക്കേഷനിലെ ലഹരിക്ക് കൂട്ടു നിൽക്കാൻ കഴിയില്ലെന്ന് അഭിലാഷ് പിള്ള. ലഹരിയില്ലാതെ അഭിനയം വരാത്ത അഭിനേതാക്കളും, അത് ഉപയോഗിക്കാതെ ജോലി ചെയ്യാൻ കഴിയാത്ത ടെക്നീഷൻമാരുമൊത്ത് ഇനി താൻ സിനിമ ചെയ്യില്ലെന്നും അദ്ദേഹം വ്യക്തമാക്കി. തന്റെ സോഷ്യൽമീഡിയ അക്കൗണ്ടിലൂടെയാണ് അഭിലാഷ് നിലപാട് തുറന്നു പറഞ്ഞത്.