Karam trailer | ഒന്നിൽ നിൽക്കില്ല, രണ്ടാമതും ട്രെയ്‌ലർ ഇറക്കി വിനീത് ശ്രീനിവാസൻ; 'കരം' സെക്കന്റ് ട്രെയ്‌ലറിൽ എന്ത്?

മലയാളത്തിൽ ഇറങ്ങുന്നൊരു ഇന്‍റർനാഷണൽ ലെവൽ ഐറ്റം. വിനീത് ശ്രീനിവാസൻ സംവിധാനം ചെയ്യുന്ന 'കരം' സിനിമയുടേതായി പുറത്തിറങ്ങിയ ട്രെയ്‌ലർ 2 നൽകുന്ന ചിത്രം ഇതാണ്. വിനീത് തന്‍റെ സ്ഥിരം ശൈലി വിട്ട് ഒരു ആക്ഷൻ ത്രില്ലറുമായാണ് വരിക. തോക്കുമേന്തി നിൽക്കുന്ന നടൻ നോബിൾ ബാബുവിന്‍റേതായി എത്തിയ പോസ്റ്റർ മുമ്പ് വൈറലായിരുന്നു. സിനിമയുടേതായി പുറത്തിറങ്ങിയ ആകാംക്ഷ നിറയ്ക്കുന്ന രംഗങ്ങൾ അടങ്ങിയ ആദ്യ ട്രെയ്‌ലറും ഏവരേയും ഞെട്ടിച്ചിരുന്നു. ഇപ്പോഴിതാ കിടിലൻ ആക്ഷൻ രംഗങ്ങളും ഉദ്വേഗജനകമായ നിമിഷങ്ങളും ഇമോഷണൽ രംഗങ്ങളും മനോഹരമായ ദൃശ്യമികവുമായി എത്തിയിരിക്കുന്ന ട്രെയ്‌ലർ 2 കോരിത്തരിപ്പിക്കുന്നൊരു അനുഭവം പ്രേക്ഷകർക്ക് സമ്മാനിച്ചിരിക്കുകയാണ്. സെപ്റ്റംബർ 25നാണ് ചിത്രത്തിന്‍റെ വേൾഡ് വൈഡ് റിലീസ്.