ഷാരൂഖിന്റെ സ്വന്തം 'മന്നത്ത്'; ആഡംബര ബംഗ്ലാവിന്റെ അഞ്ച് പ്രത്യേകതകള്‍

ഷാരൂഖ് ഖാനും കുടുംബവും മന്നത്ത് വിടാനൊരുങ്ങുന്നുവെന്ന റിപ്പോര്‍ട്ട് പുറത്തുവരികയാണ്. വീട് കൂടുതല്‍ നവീകരിക്കുന്നതിന്റെ ഭാഗമായാണ് താരവും കുടുംബവും തല്‍ക്കാലത്തേക്ക് മാറിത്താമസിക്കാന്‍ തയ്യാറെടുക്കുന്നത്. ഷാരൂഖിന് പുറമെ ഭാര്യ ഗൗരി ഖാന്‍ മക്കളായ സുഹാന ഖാന്‍, ആര്യന്‍ ഖാന്‍, അബ്രാം ഖാന്‍ എന്നിവരാണ് മന്നത്തില്‍ നിന്ന് മറ്റൊരു ആഡംബര അപ്പാര്‍ട്ട്‌മെന്റിലേക്ക് താമസം മാറുന്നത്. 20 വര്‍ഷത്തിലേറെയായി താരകുടുംബം താമസിക്കുന്ന ബംഗ്ലാവാണ് മന്നത്ത്. വീടിനോടുള്ള അടുപ്പം ഷാരൂഖ് പലവട്ടവും തുറന്ന് പറഞ്ഞിട്ടുണ്ട്. എന്ത് സാമ്പത്തിക പ്രതിസന്ധി വന്നാലും താന്‍ വീട് വില്‍ക്കില്ലെന്ന് അദ്ദേഹം മുമ്പൊരിക്കല്‍ പറഞ്ഞിട്ടുണ്ട്.