Suriya 45: സൂര്യക്കൊപ്പം കസറാൻ മലയാളത്തിലെ പ്രിയ താരങ്ങളും; ഇന്ദ്രൻസും സ്വാസികയും 'സൂര്യ 45'ൽ

തമിഴ് സൂപ്പർ താരം സൂര്യ നായകനായി എത്തുന്ന ഏറ്റവും പുതിയ ചിത്രമാണ് സൂര്യ 45 .ആർ ജെ ബാലാജി സംവിധാനം നിർവഹിക്കുന്ന ചിത്രത്തെ പറ്റി പ്രതീക്ഷകൾ ഏറെയാണ് സൂര്യ ആരാധകർക്ക്. സമീപകാലത്തായി പുറത്തിറങ്ങിയ സൂര്യ ചിത്രങ്ങൾക്ക് ഒന്നും തന്നെ തീയേറ്ററുകളിൽ പ്രതീക്ഷിച്ച വിജയം നേടാൻ കഴിഞ്ഞിട്ടില്ല.350 കോടി മുതൽമുടക്കിൽ വൻ ഹൈപ്പിൽ റിലീസ് ചെയ്ത ചിത്രമാണ് കങ്കുവ. എന്നാൽ ചിത്രത്തിന് ബഡ്ജറ്റിന്റെ പകുതി പോലും തിരിച്ചുപിടിക്കാൻ കഴിഞ്ഞിട്ടില്ലന്നാണ് റിപ്പോർട്ടുകൾ സൂചിപ്പിക്കുന്നത്.അതിനാൽ തന്നെ സൂര്യ 45 ബോക്‌സോഫീസ് വിജയമായിരിക്കുമെന്നാണ് പ്രേക്ഷക പ്രതീക്ഷ.ചിത്രത്തിന്റേതായി പുറത്തുവരുന്ന അപ്ഡേറ്റുകൾക്കെല്ലാം വലിയ രീതിയിലുള്ള പ്രേക്ഷക സ്വീകാര്യത ലഭിക്കാറുണ്ട്. ഇപ്പോൾ അത്തരത്തിലൊരു വാർത്തയാണ് പുറത്തുവരുന്നത്.സൂര്യ നായകനാകുന്ന നാൽപ്പത്തി അഞ്ചാമത് ചിത്രം സൂര്യ 45 ൽ മലയാളി താരങ്ങളായ ഇന്ദ്രൻസും സ്വാസികയും എത്തുന്നു.താരങ്ങളുടെ പോസ്റ്റർ പങ്കുവെച്ച് അണിയറപ്രവർത്തകർ തന്നെയാണ് ഇക്കാര്യം അറിയിച്ചിരിക്കുന്നത്. ചിത്രത്തിൽ സൂര്യയുടെ നായികയാകുന്നത് തൃഷയാണ്.