തനു വെഡ്‌സ് മനു 3 : തന്റെ കരിയറിലെ ആദ്യ ട്രിപ്പിൾ റോളിൽ കങ്കണ? ചിത്രത്തിലെ നിർണായക അപ്ഡേറ്റ് പുറത്ത്

തനു വെഡ്‌സ് മനുവിന്റെ മൂന്നാം ഭാഗത്തില്‍ കങ്കണ ട്രിപ്പിൾ റോളിലെത്തുമെന്ന് റിപ്പോർട്ട്. നടിയുടെ കരിയറിലെ ആദ്യ ട്രിപ്പിൾ റോളായിരിക്കുമിത്. ചിത്രത്തിന്റെ കഥ ഏകദേശം പൂർത്തിയായതായി റിപ്പോർട്ട് . ആനന്ദ് എല്‍ റായി തന്നെയായിരിക്കും മൂന്നാം ഭാഗവും സംവിധാനം ചെയ്യുക. ധനുഷും കൃതി സനോനും മുഖ്യവേഷത്തിലെത്തുന്ന തേരേ ഇഷ്‌ക് മേം എന്ന ചിത്രത്തിന്റെ പണിപ്പുരയിലാണ് അദ്ദേഹം ഇപ്പോൾ. ഈ സിനിമയ്ക്ക് ശേഷമായിരിക്കും അദ്ദേഹം തനു വെഡ്‌സ് മനു 3 യുടെ വർക്കുകൾ തുടങ്ങുക. 2025 അവസാനത്തോടെ സിനിമയുടെ ഷൂട്ടിംഗ് ആരംഭിക്കുമെന്നാണ് സൂചന.