'എന്റെ സിനിമകള്‍ക്ക് നേരെ ആക്രമണം ഉണ്ടാകും; ഇന്ത്യയില്‍ ഏറ്റവും കൂടുതല്‍ എടുത്തുടുക്കപ്പെടുന്ന ആളാണ് ഞാന്‍'; ദിലീപ്

ജനപ്രിയ നായകൻ ദിലീപിനെ കേന്ദ്ര കഥാപാത്രമാക്കി റാഫി തിരക്കഥയുമെഴുതി സംവിധാനം ചെയ്യുന്ന “വോയിസ് ഓഫ് സത്യനാഥൻ” എന്ന ചിത്രത്തിന്റെ ഒഫീഷ്യൽ ട്രെയിലർ പുറത്തിറങ്ങി. പുതിയ ചിത്രത്തിനു പിന്നാലെ പ്രതികരണവുമായി എത്തിയിരിക്കുകയാണ് നടൻ ദിലീപ്. തന്റെ സിനിമകള്‍ക്ക് നേരെ ആക്രമണങ്ങള്‍ ഉണ്ടാകുമെന്ന് ദിലീപ് പറഞ്ഞു. ഇന്ത്യയില്‍ തന്നെ ഏറ്റവും കൂടുതല്‍ ആക്രമങ്ങള്‍ നേരിടുന്ന ഒരാളാണ് താനെന്നും. അങ്ങനെയൊരു അവസ്ഥയാണ് തനിക്ക് ഉണ്ടായിട്ടുള്ളതെന്നും താരം വ്യക്തമാക്കി. കൂടാതെ പ്രതിസന്ധികളില്‍ തന്നോടൊപ്പം നില്‍ക്കുന്ന പ്രേക്ഷകരോടും സഹപ്രവര്‍ത്തകരോടും നന്ദിയുണ്ടെന്നും ദിലീപ് പറഞ്ഞു. വോയിസ് ഓഫ് സത്യനാഥൻ എന്ന ചിത്രത്തിന്റെ ട്രെയിലര്‍ ലോഞ്ചില്‍ സംസാരിക്കുകയായിരുന്നു നടൻ.