തൃഷ ഇല്ലെങ്കിൽ നയൻ‌താര അല്ല; ഇവിടെ അവർ രണ്ടുപേരുമുണ്ട്; ചിത്രം ഏറ്റുപിടിച്ച് സോഷ്യൽ മീഡിയ

തെന്നിന്ത്യയിലെ ജനപ്രിയ നടിമാരായ നയൻതാരയും (Nayanthara) തൃഷ കൃഷ്ണനും (Trisha Krishnan) ഒരുമിച്ച് വിനോദയാത്ര ആസ്വദിക്കുന്ന ചിത്രങ്ങൾ സോഷ്യൽ മീഡിയയിൽ വൈറൽ. രണ്ട് നായികമാരും ഒരുമിച്ച് ഫോട്ടോകൾക്ക് പോസ് ചെയ്യുന്നത് കണ്ട ആരാധകർക്കും അത്ഭുതം. വർഷങ്ങൾക്ക് മുമ്പ് ഇരുവർക്കും ഇടയിൽ അസ്വാരസ്യങ്ങൾ ഉണ്ടായിരുന്നതായി കിംവദന്തികൾ പ്രചരിച്ചിരുന്നു. മാധ്യമ റിപ്പോർട്ടുകൾ പ്രകാരം രണ്ട് നടിമാരും വർഷങ്ങളായി പരസ്പരം സംസാരിച്ചിരുന്നില്ല എന്നാണ്. എന്നാൽ അവർക്കിടയിൽ അത്തരമൊരു പ്രശ്‌നമില്ലെന്ന് തൃഷ ഒരിക്കൽ വ്യക്തമാക്കി. ഇപ്പോൾ, അവർ ഒരുമിച്ചുള്ള ഫോട്ടോകൾ കണ്ടതും ആരാധകർ അത്ഭുതപ്പെടുകയും സന്തോഷിക്കുകയും ചെയ്തുകൊണ്ട് അതൊരു 'അപ്രതീക്ഷിത' ട്രീറ്റ് എന്ന് വിളിച്ചു.