Bestie | ആഘോഷഗാനങ്ങളുമായി 'ബെസ്റ്റി' ജനുവരി 24ന്; പത്തിരിപ്പാട്ടിന് പിന്നാലെ കല്യാണപ്പാട്ടുമെത്തി

ഒത്തിരി വിഭവങ്ങളുടെ രുചി നിറച്ച പത്തിരിപ്പാട്ട്, തൊട്ടു പിന്നാലെ കല്യാണത്തിൻ്റെ ചന്തം നിറച്ച മഞ്ചാടിപ്പാട്ട്. രണ്ടു പാട്ടുകളുമായി മലയാള ചിത്രം 'ബെസ്റ്റി' ജനുവരി 24ന് തിയേറ്ററുകളിലേക്ക്. വ്യത്യസ്തവും മനോഹരവുമായ അഞ്ചു പാട്ടുകളുമായാണ് ബെസ്റ്റി പ്രദർശനത്തിനെത്തുന്നത്. ബെൻസി പ്രൊഡക്ഷൻസിന്റെ ബാനറിൽ കെ.വി. അബ്ദുൾ നാസർ നിർമ്മിച്ച ബെസ്റ്റി ഷാനു സമദ് ആണ് സംവിധാനം ചെയ്തത്. ഒ.എം. കരുവാരക്കുണ്ടിന്റെ രചനയിൽ അൻവർ അമൻ സംഗീതസംവിധാനം നിർവഹിച്ച പത്തിരിപ്പാട്ട് കോഴിക്കോട് നടന്ന ഓഡിയോ ലോഞ്ചിലാണ് പുറത്തിറക്കിയത്.