ഇന്നുമെന്റെ കണ്ണുനീരിൽ... പാടിയഭിനയിച്ച ഉർവശിയുടെ സഹോദരൻ കമൽ റോയ് ഇനി ഓർമ

ചലച്ചിത്ര നടി ഉർവശിയുടെ (Urvashi) സഹോദരൻ കമൽ റോയ് (Kamal Roy) അന്തരിച്ചു. ചെന്നൈയിൽ വച്ചായിരുന്നു അന്ത്യം. ഭാര്യയും ഒരു മകനുമുണ്ട്. ചവറ വി.പി. നായരുടെയും വിജയലക്ഷ്മിയുടെയും മകനാണ്. കല്പന-ഉർവശി-കലാരഞ്ജിനി എന്നീ അഭിനേത്രികളുടെയും, പരേതനായ നടൻ നന്ദുവിന്റേയും സഹോദരനാണ്. സിനിമയിലും സീരിയലിലും അഭിനയിച്ചിട്ടുള്ള കമൽ റോയി അഭിനയിച്ച രംഗമുള്ള ഇന്നുമെന്റെ കണ്ണുനീരിൽ... എന്ന ഗാനം പ്രശസ്തമാണ്. കെ.ജെ. യേശുദാസ് ആണ് ഈ ഗാനത്തിന് പിന്നിലെ ശബ്ദം. മോഹൻലാലും, ഉർവശിയും വേഷമിട്ട യുവജനോത്സവം എന്ന സിനിമയിലേതാണ് ഈ ഗാനം. മറ്റൊരു യുവജനോത്സവ സമയത്തു തന്നെ നടന്റെ വിയോഗവർത്ത വന്നു എന്നത് തീർത്തും യാദൃശ്ചികം. നടി വിനയ പ്രസാദ് വേഷമിട്ട 'ശാരദ' എന്ന പരമ്പരയിൽ കമൽ റോയ് സഹോദരന്റെ വേഷം ചെയ്യുകയും ഈ പരമ്പര ശ്രദ്ധനേടുകയും ചെയ്തിരുന്നു.