Crossbelt Mani പ്രമുഖ സംവിധായകൻ ക്രോസ്ബെൽറ്റ് മണി അന്തരിച്ചു

മിടുമിടുക്കിയിലൂടെ 1968ൽ സംവിധായകനായ അദ്ദേഹം രണ്ടാമത്തെ ചിത്രമായ ക്രോസ്ബെൽറ്റിലൂടെയാണ് പ്രശസ്തനാകുന്നത്.അതോടെ ആ പേര് തന്റെ പേരിനോടുകൂടി ചേർത്ത് ക്രോസ്ബെൽറ്റ് മണി ആയി. എസ് കെ പൊറ്റെക്കാടിന്റെ നാടൻപ്രേമം, എൻഎൻ പിളളയുടെ കാപാലിക എന്നിവയാണ് മറ്റു പ്രധാന സിനിമകൾ. എൺപതുകളിൽ റിവഞ്ച്, ഒറ്റയാൻ, ബ്ലാക്ക് മെയിൽ, ബുള്ളറ്റ് എന്നീ ജനപ്രിയ ആക്ഷൻ ചിത്രങ്ങൾ സംവിധാനം ചെയ്തു. നാരദൻ കേരളത്തിൽ, ദേവദാസ് എന്നീ ചിത്രങ്ങളാണ് ഒടുവിലായി വന്നത്.

തിരുവനന്തപുരം സ്വദേശിയായ വലിയശാലയില്‍ മാധവവിലാസത്ത് കൃഷ്ണപിള്ളയുടേയും കമലമ്മയുടേയും മകനായി 1935 ഏപ്രില്‍ 22 -നാണ് അദ്ദേഹം ജനിച്ചത്‌. ഇരണിയല്‍ ഭഗവതിമന്ദിരത്തു ശ്രീമതിയമ്മയാണ് ഭാര്യ. മക്കളില്ല.