Viduthalai Part 2 OTT: പെരുമാളിന്റെ പോരാട്ടം തിയേറ്ററിൽ മിസ് ആയോ; വിടുതലൈ 2 ഒടിടി റിലീസിന്

കോളിവുഡിൽ തുടർച്ചയായ ഹിറ്റ് ചിത്രങ്ങൾ സമ്മാനിച്ച സംവിധായകൻ വെട്രിമാരൻ ഒരുക്കി ഏറെ പ്രശംസ നേടിയ ചിത്രമാണ് വിടുതലൈ. വിജയ് സേതുപതിയെ കേന്ദ്ര കഥാപാത്രമാക്കി ചിത്രത്തിന്റെ രണ്ടാം ഭാഗം ക്രിസ്മസ് റിലീസിനാണ് തീയേറ്ററുകളിലെത്തിയത്.വിജയ് സേതുപതി, മഞ്ജു വാര്യർ, സൂരി എന്നിവർ പ്രധാന കഥാപാത്രങ്ങളായെത്തിയ സിനിമയ്ക്ക് തിയേറ്ററുകളിൽ സമ്മിശ്ര പ്രതികരണമാണ് ലഭിച്ചത്. ഇപ്പോഴിതാ സിനിമയുടെ ഒടിടി റിലീസ് പ്രഖ്യാപിച്ചിരിക്കുന്നത്. ചിത്രം 19 മുതൽ ആമസോൺ പ്രൈമിലൂടെ സ്ട്രീം ചെയ്യുമെന്നാണ് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നത്. തമിഴിന് പുറമെ തെലുങ്കിലും സിനിമ ലഭ്യമാകും എന്നാണ് സൂചന. മാത്രമല്ല സിനിമയിൽ നിന്ന് സെൻസർ ചെയ്ത ഭാഗങ്ങൾ ഉൾപ്പടെ ഒരു മണിക്കൂറിൽ കൂടുതൽ ഉള്ള ഫൂട്ടേജുകൾ ഉൾപ്പെടുത്തിയാണ് ചിത്രം ഒടിടി യിൽ എത്തുക എന്നും റിപ്പോർട്ടുകളുണ്ട്.