വിധു പ്രതാപിന്റെ വീട്ടിൽ പ്രേതബാധയോ? വിധുവും ഭാര്യയും ചേർന്നുള്ള ഹൊറർ സീരീസിന്റെ ട്രെയ്‌ലർ

നിലവിൽ ആറ് ലക്ഷത്തോളം സബ്സ്ക്രൈബേഴ്സാണ് വിധു പ്രതാപിന്റെ യൂട്യൂബ് ചാനലിൽ. ഗായകനായ വിധു പ്രതാപും, നർത്തകിയായ ഭാര്യ ദീപ്തി വിധുവും തമാശയ്ക്ക് തുടങ്ങിയ കപ്പിൾ വീഡിയോകൾ വളരെ പെട്ടെന്നാണ് പ്രേക്ഷകർ ഏറ്റെടുത്തത്. വീഡിയോകൾ കൂടുതൽ ജനപ്രീതി നേടിയതോടുകൂടി, വളരെ പ്രൊഫഷണലായി തന്നെ ഓരോ വീഡിയോകളും അവർ ഷൂട്ട് ചെയ്യാൻ തുടങ്ങി. ക്വാളിറ്റിയുള്ള വീഡിയോകൾ പുറത്തിറങ്ങിയതോടെ, സബ്സ്ക്രൈബേഴ്‌സിന്റെ എണ്ണം പെട്ടെന്നുയർന്നു. യാതൊരു ദ്വയാർത്ഥ പ്രയോഗങ്ങളും ഇല്ലാത്ത ഫാമിലി ഫ്രണ്ട്‌ലി വീഡിയോകൾ പുറത്തിറക്കുന്നത് കൊണ്ട് തന്നെ വിധു പ്രതാപിന്റെ ചാനലിൽ വലിയൊരു വിഭാഗവും കുടുംബപ്രേക്ഷകരാണ്. അവരെയെല്ലാം തൃപ്തിപ്പെടുത്തുന്ന രീതിയിലുള്ള ഒരു സീരീസ് തന്നെയായിരിക്കും പുറത്തിറങ്ങാനിരിക്കുന്നതും.

ആദർശ് നാരായൺ ആണ് മിനി വെബ് സീരീസിന്റെ സംവിധാനം. നിർമ്മാണം: പ്രീതി ശശിധരൻ. സുദേവ് ആണ് ഛായാഗ്രഹണം. എഡിറ്റിംഗ് മാളവികയും, മ്യൂസിക് അമലും നിർവഹിക്കുന്നു. വിധു പ്രതാപും, ഭാര്യയും ഒന്നിച്ചുള്ള വീഡിയോകൾക്ക് വലിയൊരു പ്രേക്ഷകർ തന്നെയുണ്ട്.