ശിവകാർത്തികേയൻ ചിത്രം 'പരാശക്തി' നിരോധിക്കണമെന്ന് തമിഴ്‌നാട് യൂത്ത് കോൺഗ്രസ് ആവശ്യപ്പെടാൻ കാരണമെന്ത്?

ചെന്നൈ: നടൻ ശിവകാർത്തികേയൻ നായകനായി പുറത്തിറങ്ങിയ 'പരാശക്തി' എന്ന ചിത്രം നിരോധിക്കണമെന്ന് തമിഴ്‌നാട് യൂത്ത് കോൺഗ്രസ് ആവശ്യപ്പെട്ടു. ചരിത്രപരമായ സംഭവങ്ങളെ സിനിമ വളച്ചൊടിക്കുന്നുവെന്നും കോൺഗ്രസ് പാർട്ടിയെ മോശമായി ചിത്രീകരിക്കുന്നുവെന്നും ആരോപിച്ചാണ് നിരോധനത്തിന് ആഹ്വാനം നൽകിയിരിക്കുന്നത്. 1960-കളിലെ വിദ്യാർത്ഥി പ്രക്ഷോഭങ്ങളെയും ഹിന്ദി വിരുദ്ധ സമരങ്ങളെയും ആസ്പദമാക്കി ഒരുക്കിയ ചിത്രം ജനുവരി 10നാണ് തിയറ്ററുകളിൽ എത്തിയത്. സെൻസർ ബോർഡ് 25 ഓളം കട്ടുകൾ നിർദേശിച്ച ശേഷമാണ് ചിത്രത്തിന് പ്രദർശന അനുമതി ലഭിച്ചത്.