ഈ ദുബായ് ഫാൻസി മൊബൈൽ നമ്പറിന് ലേലത്തിൽ 7 കോടി രൂപ

ഏഴ് കോടി രൂപ നൽകിയാണ് ദുബായിൽ ഒരാൾ തന്റെ ഇഷ്ട നമ്പര്‍ ലേലത്തിൽ പിടിച്ചത്. 058-7777777 എന്ന നമ്പർ ഏകദേശം 7.26 കോടി രൂപയ്ക്കാണ് (3.2 ദശലക്ഷം ദിർഹം) ദുബായിൽ നടന്ന ഒരു ലേലത്തിൽ വിറ്റത്. 7 സീരീസ് അടങ്ങുന്ന 058-7777777 എന്ന നമ്പർ ഭാഗ്യ സംഖ്യയായാണ് കണക്കാക്കപ്പെടുന്നത്, അതുപോലെ യുഎഇയുടെ ഏഴ് എമിറേറ്റുകളോടും അതിന് സാമ്യമുണ്ട്.

ഈ മൊബൈൽ നമ്പരിനായുള്ള ലേലം 22 ലക്ഷം രൂപയിലായിരുന്നു ആരംഭിച്ചത്. എന്നാൽ ലേലം വിളി പെട്ടെന്ന് 7 കോടി രൂപയായി ഉയർന്നതായി മാധ്യമ റിപ്പോർട്ടുകൾ സൂചിപ്പിക്കുന്നു. 7 എന്ന നമ്പർ ഉൾക്കൊള്ളുന്ന മറ്റ് നമ്പറുകൾ വാങ്ങാനും ആളുകൾക്ക് താൽപ്പര്യമുണ്ടായിരുന്നു.

ഏകദേശം 86 കോടി രൂപയാണ് ലേലത്തിൽ ആകെ നേടിയത്. ലേലത്തിന്റെ ഭാഗമായി എക്സ്ക്ലൂസീവ് കാർ നമ്പറുകൾ 65 കോടി രൂപയ്ക്കാണ് ലേലത്തിൽ പോയത്.

എത്തിസലാത്തിന്റെ സ്‌പെഷ്യൽ നമ്പറുകൾ ഏകദേശം 9 കോടി രൂപയ്ക്കും DU-വിന്റെ സ്‌പെഷ്യൽ നമ്പറുകൾ ഏകദേശം 11 കോടി രൂപയ്ക്കും വിറ്റു. മറ്റൊരു നമ്പറായ 054-5555555, 2.87 ദശലക്ഷം ദിർഹത്തിനാണ് (6.5 കോടി രൂപ) വിറ്റുപോയത്.

054-5555555 – (Rs 6,53,05,528)

058-7777778 – (Rs 69,28,064)

058-7777770 – (Rs 65,87,340)

056-9111111 – (Rs 64,73,804)

P42 – (Rs 7,32,55,503)

O51 – (Rs 6,81,44,653)

Q49 – (Rs 6,81,44,653)

U53 – (Rs 6,36,01,677)