ദുബായ് മഴയിൽ തടസപ്പെട്ട സേവനങ്ങൾ എമിറേറ്റ്‌സ് എയർലൈൻസ് പുനരാരംഭിച്ചു; ബാഗേജുകൾ ലഭിക്കാൻ ചെയ്യേണ്ടത്

കനത്ത മഴയെ തുടർന്ന് ദുബായ് വിമാനത്താവളത്തിന്റെ പ്രവർത്തനങ്ങൾ താൽക്കാലികമായി നിർത്തിവച്ചിരുന്നു. എന്നാൽ ഇപ്പോൾ യാത്രക്കാർക്ക് ബാഗേജുകൾ ശേഖരിക്കുന്നതിനുള്ള നടപടികൾ ദുബായ് ഇൻ്റർനാഷണൽ എയർപോർട്ടിൽ പുനരാരംഭിച്ചതായി എമിറേറ്റ്‌സ് എയർലൈൻസ് അറിയിച്ചു. ദുബായിൽ കഴിഞ്ഞ ദിവസങ്ങളിലുണ്ടായ കനത്ത മഴ സർവീസുകൾ തടസ്സപ്പെടുത്തിയെന്നും ബാഗുകൾക്കായി കാത്തിരിക്കുന്ന യാത്രക്കാരോട് ക്ഷമ ചോദിക്കുന്നതായും എയർലൈൻ എക്‌സിൽ കുറിച്ചു. ദുബായ് വിമാനത്താവളത്തിൽ എത്തിയ യാത്രക്കാരിൽ ഇതുവരെ ബാഗുകൾ വീണ്ടെടുക്കാൻ കഴിയാത്തവർക്ക് ഇപ്പോൾ അവ ശേഖരിക്കാമെന്നും എയർലൈൻ വ്യക്തമാക്കി.