മിസ് യൂണിവേഴ്‌സ് മത്സരത്തിലേക്ക് സൗദി അറേബ്യ ആദ്യമായി; റാംപിലെത്തുന്ന ആ സുന്ദരിയെ അറിയാമോ?

27 കാരിയായ മോഡലാണ് റൂമി അല്‍ഖഹ്താനി. സൗദി അറേബ്യന്‍ തലസ്ഥാനമായ റിയാദിലാണ് റൂമി ജനിച്ചു വളര്‍ന്നത്. നിരവധി അന്താരാഷ്ട്ര സൗന്ദര്യ മത്സരങ്ങളിലും റൂമി പങ്കെടുത്തിട്ടുണ്ട്. ഏതാനും ആഴ്ചകള്‍ക്ക് മുമ്പ് മലേഷ്യയില്‍ വെച്ച് നടന്ന മിസ് ആന്‍ഡ് മിസിസ് ഗ്ലോബല്‍ ഏഷ്യന്‍ സൗന്ദര്യ മത്സരത്തിലും റൂമി പങ്കെടുത്തിട്ടുണ്ട്.

സൗദി അറേബ്യ കിരീടവകാശി മുഹമ്മദ് ബിന്‍ സല്‍മാന്റെ പരിഷ്‌കാരങ്ങള്‍ ആഗോളതലത്തില്‍ ശ്രദ്ധ നേടിക്കൊണ്ടിരിക്കുകയാണ്. സൗദിയിലെ കര്‍ശന നിയമങ്ങളില്‍ അയവ് വരുത്തി അദ്ദേഹം നടത്തിയ പ്രഖ്യാപനങ്ങള്‍ വലിയ രീതിയില്‍ ചര്‍ച്ചയായിരുന്നു.