UAE | യുഎഇ മൾട്ടി എൻട്രി ടൂറിസ്റ്റ് വിസക്ക് വൻ ഡിമാൻഡ്; മാതാപിതാക്കളുടെ സന്ദർശനം എളുപ്പമായെന്ന് പ്രവാസികൾ

യുഎഇയിലെ (UAE visa reforms) വിസാ പരിഷ്കാരങ്ങളിൽ സന്തോഷം പ്രകടിപ്പിച്ച് പ്രവാസികൾ. അഞ്ചു വർഷത്തെ മൾട്ടി എൻട്രി ടൂറിസ്റ്റ് വിസയിലൂടെ (multiple-entry tourist visa) മാതാപിതാക്കളോടൊപ്പം കൂടുതൽ സമയം ചെലവഴിക്കാൻ സാധിക്കുമെന്ന് ഇവിടുത്തെ താമസക്കാർ പറയുന്നു. ''ഇത് ഞങ്ങൾക്ക് ജീവിതം വളരെ എളുപ്പമാക്കി. എന്റെ മാതാപിതാക്കൾ മുൻപ് ഇവിടെയാണ് ജോലി ചെയ്തിരുന്നത്. ഞങ്ങൾ ഇവിടെയാണ് വളർന്നത്. ഞാനും എന്റെ സഹോദരിമാരും ഇപ്പോഴും ഇവിടെത്തന്നെയാണ് താമസിക്കുന്നത്. മാതാപിതാക്കൾ ഇപ്പോൾ സ്വദേശത്താണെങ്കിലും പലപ്പോഴും ഇവിടെ വന്നു പോകാറുണ്ട്. പക്ഷേ, ഞങ്ങളെ സംബന്ധിച്ചിടത്തോളം ഓരോ തവണയും വിസിറ്റിങ്ങ് വിസ എടുക്കുന്നത് വളരെ ബുദ്ധിമുട്ടുള്ള കാര്യമായിരുന്നു '', അബുദാബി നിവാസിയായ തന്യ ഇല്യാസ് ഖലീജ് ടൈംസിനോട് പറഞ്ഞു.