ആത്മഹത്യാശ്രമം തടയാൻ ശ്രമിക്കുന്നതിനിടെ ദുബായിൽ കെട്ടിടത്തിൽ നിന്നുവീണു മലയാളി യുവാവ് മരിച്ചു
- Published by:Rajesh V
- news18-malayalam
Last Updated:
കെട്ടിടത്തിൽ നിന്നും ചാടി അത്മഹത്യയ്ക്ക് ശ്രമിച്ച യുവാവിനെ രക്ഷപ്പെടുത്താൻ ബിലു കൃഷ്ണൻ ശ്രമിക്കുന്നതിനിടെ കെട്ടിടത്തിൽ നിന്നും താഴെ വീണ് മരിക്കുകയായിരുന്നു
ദുബായ്: ജോലി സ്ഥലത്ത് കെട്ടിടത്തിൽ നിന്നു വീണ് മലയാളി യുവാവ് മരിച്ചു. ദുബായിൽ ജബൽ അലിയിൽ ആണ് സംഭവം നടന്നത്. കടയ്ക്കൽ കാഞ്ഞിരത്തുംമൂട് തേക്കിൽ കുഞ്ഞിമുക്ക് തെക്കടത്ത് വീട്ടിൽ റിട്ട. എസ്ഐ പരേതനായ ബാലകൃഷ്ണപിള്ളയുടെ മകൻ ബിലു കൃഷ്ണൻ (30) ആണു മരിച്ചത്.
ദുബായിലെ ഒരു കൺസ്ട്രക്ഷൻ കമ്പനിയിൽ സൂപ്പർ വൈസറായി ജോലി ചെയ്യുകയായിരുന്നു. കഴിഞ്ഞ ദിവസം, കെട്ടിടത്തിൽ നിന്നും ചാടി അത്മഹത്യയ്ക്ക് ശ്രമിച്ച യുവാവിനെ രക്ഷപ്പെടുത്താൻ ബിലു കൃഷ്ണൻ ശ്രമിക്കുന്നതിനിടെ ബിലു കെട്ടിടത്തിൽ നിന്നും താഴെ വീണ് മരിക്കുകയായിരുന്നു.
ബിലു കൃഷ്ണന്റെ മൃതദേഹം നാട്ടിൽ എത്തിക്കാൻ ശ്രമം തുടങ്ങി കഴിഞ്ഞു. കഴിഞ്ഞ നവംബറിൽ ആയിരുന്നു ബിലു കൃഷ്ണൻ വിവാഹിതനായത്. അച്ഛന്റെ മരണം കാരണം കഴിഞ്ഞ രണ്ട് മാസം മുമ്പാണ് നാട്ടിൽ എത്തിയത്. അതിന് ശേഷമാണ് ദുബായിലേക്ക് തിരിച്ചു പോയത്. ഭാര്യ: ലക്ഷ്മി.
Location :
First Published :
Oct 12, 2022 7:55 PM IST
മലയാളം വാർത്തകൾ/ വാർത്ത/Gulf/
ആത്മഹത്യാശ്രമം തടയാൻ ശ്രമിക്കുന്നതിനിടെ ദുബായിൽ കെട്ടിടത്തിൽ നിന്നുവീണു മലയാളി യുവാവ് മരിച്ചു
