ജോലി സ്ഥലത്ത് മരിച്ച പ്രവാസിയുടെ മൃതദേഹം ഏറ്റെടുക്കില്ലെന്ന് ഭാര്യയും മക്കളും; അനുഭവം പങ്കുവെച്ച് അഷറഫ് താമരശേരി

ഒരു കുടുംബത്തിന്റെ എല്ലാ ആഗ്രഹങ്ങളുടെയും ബാധ്യതകളുടെയും ഭാരം ചുമലിലേറ്റി അറബ് നാട്ടിലെത്തുന്ന മലയാളില്‍ ചിലരെങ്കിലും സ്വപ്‌നങ്ങള്‍ ബാക്കിയാക്കി ചേതനയറ്റാണ് നാട്ടിലേക്ക് മടങ്ങുന്നത്. നാട്ടിലേക്കുള്ള പതിവ് യാത്രകള്‍ പോലെ മുന്നൊരുക്കങ്ങളോ ബഹളങ്ങളോ അവസാന യാത്രയ്ക്കുണ്ടാകില്ല. ഉറ്റവര്‍ക്കടുത്തേക്കുള്ള പ്രവാസികളുടെ അന്ത്യയാത്രയ്ക്ക് കൂട്ട് പോകുന്നത് പലപ്പോഴും സാമൂഹിക പ്രവര്‍ത്തകനായ അഷറഫ് താമരശേരിയാണ്. അറബ് നാട്ടില്‍ മരണമടയുന്ന പ്രവാസികളുടെ മൃതദേഹം നാട്ടിലെത്തിക്കുന്ന അഷറഫിന്‍റെ ജീവിതം മുന്‍പും ചര്‍ച്ചയായിട്ടുണ്ട്.