മക്കയിൽ ലിഫ്റ്റ് തകർന്ന് രണ്ട് ഇന്ത്യൻ തീർഥാടകർ മരിച്ചു
- Published by:Sarika KP
- news18-malayalam
Last Updated:
അസീസിയ്യയിലെ 145-ാം നമ്പർ ബിൽഡിങ്ങിലാണ് അപകടമുണ്ടായത്
മക്ക: മക്കയിൽ ലിഫ്റ്റ് തകർന്ന് രണ്ട് ഇന്ത്യൻ തീർഥാടകർ മരിച്ചു. ബിഹാർ സ്വദേശികളായ മുഹമ്മദ് സിദ്ദീഖ് (73), അബ്ദുൽ ലത്തീഫ് (70) എന്നിവരാണ് മരിച്ചത്. അസീസിയ്യയിലെ 145-ാം നമ്പർ ബിൽഡിങ്ങിലാണ് അപകടമുണ്ടായതെന്നാണ് മനോരമ റിപ്പോർട്ട് ചെയ്യുന്നത്.
ഈ ബിൽഡിങിന്റെ നാലാം നിലയിൽ താമസിച്ചിരുന്ന തീർത്ഥാടകർ പുറത്ത് പോകാനായി ലിഫ്റ്റിന്റെ വാതിൽ തുറന്ന് അകത്തേക്ക് പ്രവേശിക്കുകയായിരുന്നു. എന്നാൽ ഈ സമയം ലിഫ്റ്റ് മുകളിലായിരുന്നതിനാൽ അബദ്ധത്തിൽ ലിഫ്റ്റ് വരുന്നയിടത്തേക്ക് പ്രവേശിച്ച തീർഥാടകർ താഴേക്ക് പതിക്കുകയായിരുന്നുവെന്ന് സാമൂഹിക പ്രവർത്തകർ പറഞ്ഞു. ഇന്ത്യൻ ഹജ് മിഷൻ ഉദ്യോഗസ്ഥരും സിവിൽ ഡിഫൻസും സാമൂഹിക പ്രവർത്തകരുമെല്ലാം സ്ഥലത്തുണ്ട്.
Location :
New Delhi,New Delhi,Delhi
First Published :
Jun 06, 2024 8:28 PM IST
