UAE| യുഎഇയില്‍ ചൂട് 50 ഡിഗ്രിക്ക് തൊട്ടടുത്ത്; വരും ദിവസങ്ങളിൽ ചൂട് വർധിക്കുമെന്ന് മുന്നറിയിപ്പ്

അൽഐനിൽ ഇന്നലെ അനുഭവപ്പെട്ട കൂടിയ ചൂട് 48 ഡിഗ്രി സെൽഷ്യസായിരുന്നു. ഫുജൈറയിലും അൽഐനിലുമാണ് ഇന്നലെ കൂടിയ താപനില രേഖപ്പെടുത്തിയത്. വേനൽക്കാലങ്ങളിൽ യുഎഇയിൽ ചൂട് 50 ഡിഗ്രി സെൽഷ്യസിനോട് അടുക്കുന്നത് ആദ്യമല്ല. 2023 ജൂലൈ 16ന് അബുദാബിയുടെ പടിഞ്ഞാറൻ പ്രദേശമായ അൽ ദഫ്രയിൽ താപനില 50.1 ഡിഗ്രി സെൽഷ്യസ് രേഖപ്പെടുത്തിയിരുന്നു. 2021 ജൂൺ ആറിന് അൽഐൻ സ്വൈഹാനിലും 2017ൽ മെസൈറിലും താപനില 51.8 ഡിഗ്രി സെൽഷ്യസ് രേഖപ്പെടുത്തിയിരുന്നു.

പകൽ സമയങ്ങളിൽ കടുത്ത ചൂടുള്ള സമയത്ത് സൂര്യപ്രകാശം ശരീരത്തിൽ നേരിട്ട് ഏൽക്കാതിരിക്കാൻ ശ്രദ്ധിക്കണം. ഈ സമയത്ത് പ്രത്യേകിച്ച് രാവിലെ 10 മുതൽ വൈകിട്ട് 4 വരെ പ്രായമായവരും കുട്ടികളും പുറത്തിറങ്ങാതിരിക്കുന്നതാണ് ഉചിതം. പുറത്തിറങ്ങുന്നവർ കുട കരുതണം. സൺ ഗ്ലാസ് ഉപയോഗിക്കുന്നതും നല്ലതാണ്. അയഞ്ഞ പരുത്തി വസ്ത്രമാണ് ഉത്തമം.

Summary: According to UAE's National Center of Meteorology, the maximum temperature in the country was recorded at 49.2°C in the Rawdah area of Al Ain at 2:15 pm on May 31.