താൽപര്യമുണ്ടോ? യുഎഇക്ക് യുവജന മന്ത്രിയെ വേണം; യുവാക്കളിൽ നിന്ന് അപേക്ഷകൾ ക്ഷണിച്ചു;ഒരു നിബന്ധനയുണ്ട്

യുഎഇയിൽ യുവജന വകുപ്പ് മന്ത്രിയാകാൻ താൽപര്യമുണ്ടോ? എന്നാൽ ഇപ്പോഴാണ് പറ്റിയ സമയം. യുഎഇയുടെ യുവജന വകുപ്പ് മന്ത്രിയുടെ സ്ഥാനത്തേക്ക് അപേക്ഷകൾ ക്ഷണിച്ചു. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ആണ് യുവാക്കളിൽ നിന്നും അപേക്ഷ ക്ഷണിച്ചിരിക്കുന്നത്. സമൂഹമാധ്യമമായ എക്സിലൂടെയാണ് അദ്ദേഹം ഇക്കാര്യം അറിയിച്ചത്. നിരവധി യുവാക്കൾ ഇതിനകം അദ്ദേഹത്തിന്റെ പോസ്റ്റിന് പ്രതികരണവുമായി രം​ഗത്തെത്തിയിട്ടുണ്ട്. “രാജ്യത്തെ യുവജനങ്ങളെ പ്രതിനിധീകരിക്കുകയും അവരുടെ പ്രശ്‌നങ്ങൾ അറിയുകയും പരിഹാരം കാണുകയും ചെയ്യുന്ന യുവാവിനെയോ യുവതിയെയോ ആവശ്യമുണ്ട്”, എന്നാണ് പോസ്റ്റിൽ പറ‍ഞ്ഞിരുന്നത്. അറിയിപ്പെത്തി ഏഴ് മണിക്കൂറിനുള്ളിൽ, ഏകദേശം 5,000 പേരാണ് അപേക്ഷ സമർപ്പിച്ചത്.