UAE ഇന്ത്യയിൽ നാല് ലക്ഷം കോടിയിലേറെ രൂപയുടെ നിക്ഷേപം നടത്തും

ഇന്ത്യയിൽ 50 മില്യൺ ഡോളറിന്റെ നിക്ഷേപത്തിന് ഒരുങ്ങി യുഎഇ. ഇന്ത്യയുമായി വ്യാപാരം നടത്തുന്ന രാജ്യങ്ങളിൽ രണ്ടാം സ്ഥാനത്തുള്ള യുഎഇ വൻ നിക്ഷേപത്തിനാണ്ഒരുങ്ങുന്നതെന്ന് ഡെക്കാൻ ഹെറാൾഡ് റിപ്പോർട്ട് വ്യക്തമാക്കുന്നു. ഈ വിവരം അടുത്ത വർഷം ആദ്യം യുഎഇ പ്രഖ്യാപിക്കുമെന്നാണ് വിവരം. 2023 ജൂലൈയിൽ പ്രധാനമന്ത്രി നരേന്ദ്ര മോദിയുമായി യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സയെദ് നടത്തിയ കൂടിക്കാഴ്ച്ചയുടെ ഫലമായാണ് ഈ നിക്ഷേപം യുഎഇ നടത്തുന്നതെന്നാണ് പ്രാഥമിക വിലയിരുത്തൽ. എണ്ണ വ്യാപാരത്തിൽ ഇരു രാജ്യങ്ങളും വലിയ രീതിയിൽ തന്നെ സഹകരിക്കുന്നുണ്ടെങ്കിലും മറ്റ് വ്യാപാരങ്ങളുടെ സാധ്യതകൾ കണ്ടെത്തി 100 ബില്യൺ ഡോളറിനോളം തുകയ്ക്ക് വ്യാപാരം നടത്താനാണ് ലക്ഷ്യമിടുന്നത്. 2014ൽ പ്രധാന മന്ത്രിയായതിന് ശേഷമുള്ള നരേന്ദ്രമോദിയുടെ ഗൾഫ് രാജ്യങ്ങളിലേക്കുള്ള അഞ്ചാമത്തെ സന്ദർശനമായിരുന്നു അടുത്തിടെ നടത്തിയത്.