യുഎഇയിൽ ഇനി പൊതുഅവധി ഒരുപോലെ; സർക്കാർ-സ്വകാര്യമേഖലകൾക്ക് വ്യത്യാസമില്ല

അബുദബി: സർക്കാർ-സ്വകാര്യമേഖലയിലെ പൊതുഅവധി ഏകീകരിക്കാൻ യുഎഇ മന്ത്രിസഭ തീരുമാനിച്ചു. 2019-2020 മുതൽ സർക്കാർ മേഖലകൾക്ക് ഉള്ള എല്ലാ അവധിയും സ്വകാര്യമേഖലയ്ക്കും ലഭ്യമാക്കാനാണ് മന്ത്രിസഭ അനുമതി നൽകിയത്. അടുത്ത ഒരു വർഷത്തേക്കുള്ള പൊതുഅവധിയുടെ പട്ടികയും സർക്കാർ ഔദ്യോഗികമായി പ്രഖ്യാപിച്ചിട്ടുണ്ട്. അവധികൾ ഒരുമിച്ച് വരുന്നതോടെ രാജ്യത്തെ ജനങ്ങൾക്ക് കൂടുതൽ സൌകര്യപ്രദമായി അവധിയാത്രകൾ നടത്താനും, അതുവഴി സമ്പദ് വ്യവസ്ഥയ്ക്കും സാമൂഹത്തിനും കരുത്തേകാനും സഹായിക്കുമെന്നാണ് സർക്കാരിന്‍റെ പ്രതീക്ഷ.