കേന്ദ്രമന്ത്രിമാരായ സ്മൃതി ഇറാനിയും മുരളീധരനും മദീനയിൽ; ഹജ്ജ് കരാർ ഒപ്പു വെച്ചു; ഉംറ വോളണ്ടിയർമാരുമായി കൂടിക്കാഴ്ച നടത്തി

ന്യൂനപക്ഷകാര്യ മന്ത്രി സ്മൃതി ഇറാനിയുടെ നേതൃത്വത്തിലുള്ള സംഘം സൗദി അറേബ്യയിലെ പുണ്യന​ഗരമായ മദീന സന്ദർശിച്ചു. ഇന്ത്യൻ വിദേശകാര്യ സഹമന്ത്രി വി. മുരളീധരനും സംഘത്തിൽ ഉണ്ടായിരുന്നു. മദീനയിലെ മർകസിയ പ്രദേശത്തെ പള്ളിയും (അൽ മസ്ജിദ് അൽ നബ്വി) പ്രതിനിധി സംഘം സന്ദർശിച്ചു. തുടർന്ന് ഉഹുദ് പർവതം കാണാനായി പോയ സംഘം, അതിനു ശേഷം ഖുബാ പള്ളിയും സന്ദർശിച്ചു. ലോകത്തിലെ ആദ്യ മസ്ജിദാണ് ഖുബ മസ്ജിദ്. നിരവധി ഇസ്ലാമിക് രക്തസാക്ഷികളുടെ അന്ത്യവിശ്രമസ്ഥലമാണ് ഉഹുദ് പർവതം.