സ്കൂളിൽ ഡാൻസ് റിഹേഴ്സലിനിടെ പ്രാണിയുടെ കടിയേറ്റ് എട്ടു വയസുകാരി മരിച്ചു

ഞായറാഴ്ച രാവിലെ നടക്കാനിരിക്കുന്ന സ്കൂളിലെ വാർഷികാഘോഷത്തിന്റെ ഭാഗമായുള്ള നൃത്ത പരിശീലനത്തിനിടെയായിരുന്നു സംഭവം. നൃത്തം അഭ്യസിക്കുന്നതിനിടയിൽ നെറ്റിയിൽ എന്തോ കടിച്ചത് പോലെ തോന്നുന്നുവെന്ന് രക്ഷിത പരാതിപ്പെട്ടിരുന്നു. നിമിഷങ്ങൾക്കകം കുട്ടി ബോധരഹിതയായി വീണു.

ഉടൻ തന്നെ അധ്യാപകർ കുട്ടിയെ തിരുച്ചെങ്കോട്ടെ സ്വകാര്യ ആശുപത്രിയിലും തുടർന്ന് അവിടുത്തെ സർക്കാർ ആശുപത്രിയിലും എത്തിച്ചു. നില വഷളായതിനെ തുടർന്ന് നാമക്കൽ സർക്കാർ മെഡിക്കൽ കോളേജ് ആശുപത്രിയിലേക്ക് മാറ്റി. തീവ്രപരിചരണ വിഭാഗത്തിൽ ചികിത്സയിലിരിക്കെ തിങ്കളാഴ്ച ഉച്ചയോടെയാണ് കുട്ടി മരണത്തിന് കീഴടങ്ങിയത്.

ഗ്രാമത്തിലെ ദിവസവേതനക്കാരായ ദമ്പതികളുടെ മകളാണ് രക്ഷിത. സംഭവത്തിൽ തിരുച്ചെങ്കോട് പോലീസ് കേസെടുത്ത് അന്വേഷണം ആരംഭിച്ചു. സംഭവത്തിന്റെ ഭാഗമായി സ്കൂൾ പ്രധാനാധ്യാപകനെയും മറ്റ് അധ്യാപകരെയും പോലീസ് ചോദ്യം ചെയ്തു.

Summary: A tragic incident has claimed the life of an eight-year-old girl in Goundampalayam village, Namakkal, after she was allegedly bitten by a venomous insect during school hours. Rakshitha, a Class 3 student at a government-run middle school, was participating in a dance rehearsal for an upcoming cultural event on Sunday morning. During the practice, she complained of discomfort following an insect bite on her forehead and collapsed shortly after.