രൺവീർ സിംഗിന് വാട്‌സാപ്പിലൂടെ വധഭീഷണി; മുംബൈയിലെ വീടിന് സുരക്ഷ വർധിപ്പിച്ചു

Published by:Rajesh V
news18-malayalam

Last Updated:Feb 10, 2026 8:42 PM IST

ഭീഷണിയെത്തുടർന്ന് മുൻകരുതൽ നടപടിയായി രൺവീർ സിംഗിന്റെ വസതിക്ക് പുറത്ത് സുരക്ഷ ശക്തമാക്കി

ബോളിവുഡ് നടൻ രൺവീർ സിംഗിന് വാട്‌സാപ്പ് വോയ്‌സ് നോട്ടിലൂടെ കോടികൾ ആവശ്യപ്പെട്ട് വധഭീഷണി ലഭിച്ചു. ഇതിനെത്തുടർന്ന് മുംബൈ പോലീസ് താരത്തിന്റെ വീടിന് പുറത്ത് സുരക്ഷ വർധിപ്പിക്കുകയും സന്ദേശം അയച്ചയാളെ കണ്ടെത്താൻ അന്വേഷണം ആരംഭിക്കുകയും ചെയ്തു. സംവിധായകൻ രോഹിത് ഷെട്ടിയുടെ ജൂഹുവിലെ വീടിന് നേരെ വെടിവയ്പ്പ് നടന്ന പശ്ചാത്തലത്തിലാണ് ഈ പുതിയ ഭീഷണി എന്നതും ഗൗരവകരമാണ്.

സന്ദേശം അയച്ചയാളെ കണ്ടെത്താൻ പോലീസ് തിരച്ചിൽ ഊർജിതമാക്കി. താൻ ബിഷ്ണോയി സംഘവുമായി ബന്ധമുള്ളയാളാണെന്ന് സന്ദേശം അയച്ചയാൾ അവകാശപ്പെട്ടതായി ന്യൂസ് 18 റിപ്പോർട്ട് ചെയ്യുന്നു. ഈ അവകാശവാദം പോലീസ് പരിശോധിച്ചുവരികയാണ്.

ആദിത്യ ധർ സംവിധാനം ചെയ്ത 2025ലെ സ്പൈ ത്രില്ലർ 'ധുരന്ധർ' എന്ന ചിത്രത്തിലാണ് രൺവീർ സിംഗ് അവസാനമായി അഭിനയിച്ചത്. ലോകമെമ്പാടുമായി 1,305 കോടി രൂപയിലധികം നേടിയ ഈ ചിത്രം വലിയ ബോക്സ് ഓഫീസ് വിജയമായിരുന്നു. ഹിന്ദിയിൽ മാത്രം ആഭ്യന്തര കളക്ഷനിൽ 1000 കോടി കടക്കുന്ന ആദ്യ ഇന്ത്യൻ ചിത്രമായി ഇത് മാറി. ചിത്രത്തിന്റെ രണ്ടാം ഭാഗമായ 'ധുരന്ധർ: ദി റിവഞ്ച്' ഈ വർഷം മാർച്ച് 19ന് പുറത്തിറങ്ങും.

‌രോഹിത് ഷെട്ടിയുടെ വീടിന് പുറത്തെ വെടിവയ്പ്പ്

രോഹിത് ഷെട്ടിയുടെ വീടിന് പുറത്ത് വെടിവയ്പ്പ് നടത്തിയ സംഭവത്തിൽ അഞ്ച് പേരെ ക്രൈംബ്രാഞ്ച് അറസ്റ്റ് ചെയ്തു. അമൻ മരോട്ടെ (27), ആദിത്യ ഗായകി (19), സിദ്ധാർത്ഥ് യെൻപുരെ (20), സമർത്ഥ് പോമാജി (18), സ്വപ്നിൽ സകാത്ത് (23) എന്നിവരാണ് പിടിയിലായത്. ലോറൻസ് ബിഷ്ണോയി സംഘാംഗമായ ശുഭം ലോങ്കറെ പ്രതിപ്പട്ടികയിൽ ഉൾപ്പെടുത്തിയിട്ടുണ്ട്. ഷൂട്ടർ ഉപയോഗിച്ച ആയുധങ്ങളെക്കുറിച്ചും ഇതിന് പിന്നിലെ സാമ്പത്തിക ഇടപാടുകളെക്കുറിച്ചും ക്രൈംബ്രാഞ്ച് വിശദമായ അന്വേഷണം നടത്തിവരികയാണ്.

Summary:Bollywood actor Ranveer Singh has received a threatening voice note on WhatsApp demanding a massive extortion sum. The sender allegedly claimed links to the Lawrence Bishnoi gang. Following the threat, Mumbai Police have increased security at his residence. This incident follows a recent firing case at director Rohit Shetty’s house, leading to high alert in the industry.