'കോൺഗ്രസിനെ പിന്തുണയ്ക്കാൻ ടിവികെ ആഗ്രഹിക്കുന്നു': സൂചന നൽകി നടൻ വിജയ്‌യുടെ പിതാവ്

വരാനിരിക്കുന്ന നിയമസഭാ തിരഞ്ഞെടുപ്പിൽ തമിഴക വെട്രി കഴകം (ടിവികെ) കോൺഗ്രസിനെ പിന്തുണയ്ക്കാൻ ആലോചിക്കുന്നതായി സൂചന നൽകി നടനും ടിവികെ അധ്യക്ഷനുമായ വിജയ് യുടെ പിതാവ് എസ്.എ.ചന്ദ്രശേഖർ. കോൺഗ്രസിന് വലിയ ചരിത്രവും പാരമ്പര്യവുമുണ്ടെന്നും സ്വാതന്ത്ര്യത്തിന് വേണ്ടി പോരാടിയ പാർട്ടി ഇപ്പോൾ ക്ഷയിച്ചുകൊണ്ടിരിക്കുകയാണെന്നും അദ്ദേഹം മാധ്യമങ്ങളോട് പറഞ്ഞു. മറ്റു പാർട്ടികളെ പിന്തുണച്ചുക്കൊണ്ടിരിക്കുന്ന കോൺഗ്രസ് ദിവസം തോറും തകർച്ച നേരിടുകയാണെന്നും, അവരെ പഴയ പ്രതാപത്തിലേക്ക് തിരികെ കൊണ്ടുവരാൻ വിജയ് പിന്തുണ നൽകാൻ തയ്യാറാണെന്നും ചന്ദ്രശേഖർ കൂട്ടിച്ചേർത്തു. ഈ അവസരം പ്രയോജനപ്പെടുത്തേണ്ടത് കോൺഗ്രസാണെന്നും അദ്ദേഹം പറഞ്ഞു.