Agnipath | അഗ്നിപഥ് പദ്ധതിയിലൂടെ നാല് വർഷത്തേക്ക് സൈനികരാകാം; ‘അഗ‍്‍നിവീ‍ർ’ ആയാൽ സർക്കാർ നൽകുന്ന ആനുകൂല്യങ്ങൾ

സൈന്യത്തിൽ നാല് വർഷത്തെ സേവനത്തിനായി പുതിയ ആളുകളെ എടുക്കുന്ന പദ്ധതി കേന്ദ്ര സർക്കാർ ചൊവ്വാഴ്ച പ്രഖ്യാപിച്ചു. നാല് വർഷത്തിന് ശേഷം ഒരു വിഭാഗം ആളുകളെ റെഗുലർ സർവീസിലേക്ക് മാറ്റുകയും ചെയ്യും. അഗ്നിപഥ് (Agnipath) എന്നാണ് ഈ പദ്ധതിയുടെ പേര്. ഈ പദ്ധതി വഴി എടുക്കുന്ന സൈനികരെ അഗ‍്‍നിവീ‍ർ (Agniveers) എന്നാണ് വിളിക്കുക. വരുന്ന മൂന്ന് മാസത്തിനുള്ളിൽ ഓഫീസർ റാങ്കിന് താഴെയുള്ള പോസ്റ്റുകളിലേക്കായുള്ള റിക്രൂട്ട്മെൻറ് നടപടിക്രമങ്ങൾ തുടങ്ങും. 17.5 മുതൽ 21 വരെ പ്രായമുള്ള യുവാക്കളെയാണ് ഈ പദ്ധതി വഴി സൈന്യത്തിലെടുക്കുന്നത്.