സ്ത്രീ സുരക്ഷയ്ക്കായി എഐ ക്യാമറയും പാനിക് ബട്ടണും; പുതിയ സംവിധാനവുമായി ചെന്നൈ പൊലീസ്

ചെന്നൈ: നഗരത്തിലും ബസുകളിലും സ്ത്രീകളുടെ സുരക്ഷ വർദ്ധിപ്പിക്കുന്നതിനുള്ള നടപടികളുമായി തമിഴ്നാട് പൊലീസ്. ഇതിന്‍റെ തുടക്കമായി ചെന്നൈ നഗരത്തിലെ വിവിധ ഭാഗങ്ങളിലും ബസുകളിലും എഐ ക്യാമറയും പാനിക് ബട്ടണും സ്ഥാപിക്കും. പൊതുഗതാഗതത്തിലെ കുറ്റകൃത്യങ്ങൾ തടയാൻ, മോഷണം, അക്രമം, തട്ടിക്കൊണ്ടുപോകൽ തുടങ്ങിയ സംഭവങ്ങളെക്കുറിച്ചുള്ള വിശകലനം നൽകുന്ന ആർട്ടിഫിഷ്യൽ ഇന്റലിജൻസ് സോഫ്റ്റ്‌വെയർ സംവിധാനമാണ് പൊലീസ് ഏർപ്പെടുത്തുന്നത്. നേരത്തെ ഗതാഗതവകുപ്പ് എഐ ക്യാമറകൾ സ്ഥാപിച്ചിരുന്നു.