കുടകിൽ ട്രക്കിങ്ങിനിടെ ശരണ്യയെ കാണാതായ സംഭവത്തില്‍ സമഗ്ര അന്വേഷണം വേണമെന്ന് ബിജെപി

സംഭവം കെട്ടിച്ചമച്ചതാണെന്നും രക്ഷാപ്രവർത്തനത്തിന്റെ പേരിൽ സർക്കാരിന് നഷ്ടം വരുത്തിയെന്നും ബിജെപി നേതാക്കൾ ആരോപിക്കുന്നു. പരാതിയിൽ പോലീസ് എഫ്‌ഐആർ രജിസ്റ്റർ ചെയ്തിട്ടില്ല. എന്നാൽ, ശരണ്യയുടെ മൊഴികളും പരാതിയിൽ പറഞ്ഞ കാര്യങ്ങളും പരിശോധിക്കുകയും അന്വേഷിക്കുകയും ചെയ്യുമെന്ന് നാപോക്ലു പോലീസ് സ്റ്റേഷനിൽ അറിയിച്ചു.

സംഭവം സംശയാസ്പദമാണെന്ന് വിശേഷിപ്പിച്ച ബിജെപി അംഗമായ അംബി കരിയപ്പ അത് വിനോദസഞ്ചാര കേന്ദ്രമായ കുടകിന്റെ പ്രതിച്ഛായയ്ക്ക് തിരിച്ചടിയുണ്ടാക്കുമെന്ന് ആശങ്ക പ്രകടിപ്പിക്കുകയും ചെയ്തു. നാപോക്ലു പോലീസ് ഇൻസ്പെക്ടർ രാഘവേന്ദ്ര വിഷയം പരിശോധിക്കുമെന്ന് പ്രതിനിധി സംഘത്തിന് ഉറപ്പുനൽകി.

കുടകിലെ ഉയർന്ന പ്രദേശങ്ങളിലൊന്നായ തടിയൻഡമോൾ പ്രദേശത്ത് ഏപ്രിൽ 2 ഉച്ചയോടെ ട്രക്കിങ്ങിനിടെ ശരണ്യയെ കാണാതായെന്നാണ് വിവരം ലഭിച്ചത്. തിരച്ചിൽ നടത്തിവന്ന ആദിവാസിയുവാക്കൾ ഏപ്രിൽ 5 വൈകിട്ട് ആറുമണിയോടെ ഉൾവനത്തിൽ ഒരു അരുവിക്കുസമീപം പാറയ്ക്കുമുകളിൽ അവശനിലയിൽ ഇരിക്കുന്നനിലയിലാണ് ശരണ്യയെ കണ്ടെത്തിയത്. ട്രക്കിങ് തുടങ്ങിയ ഇടത്തുനിന്നും ഒരു കിലോമീറ്റർ അകലെയായിരുന്നു ഇത്. വനംവകുപ്പിന്റെ വാഹനത്തിൽ ശരണ്യയെ പുറത്തെത്തിച്ചു.

നാലുദിവസം വെള്ളംമാത്രമേ കുടിച്ചുള്ളൂവെങ്കിലും കാര്യമായ ആരോഗ്യപ്രശ്‌നങ്ങളില്ലാതെയാണ് ശരണ്യ പുറത്തേക്കുവന്നത്. വർഷങ്ങളായുള്ള ട്രക്കിങ് പരിചയം ശരണ്യക്കുണ്ട്.

Summary: The BJP has raised concerns over the recent disappearance and subsequent rescue of Saranya G.S., a native of Kozhikode, Kerala, who went missing during a trek in Coorg (Kodagu). Saranya, an experienced trekker from Nadapuram, reportedly went missing near the Thadiyandamol peak on April 2. She was found three days later, on April 5, sitting on a rock near a stream in the deep forest, just one kilometer away from the starting point.