നിതിൻ ഗഡ്കരി, അനുരാഗ് താക്കൂർ, പിയൂഷ് ഗോയൽ; ബിജെപിയുടെ രണ്ടാംഘട്ട സ്ഥാനാർത്ഥി പട്ടികയായി

ലോക്സഭാ തെരഞ്ഞെടുപ്പിൽ മത്സരിക്കുന്ന ബിജെപിയുടെ രണ്ടാം ഘട്ട സ്ഥാനാർത്ഥി പട്ടിക പുറത്തിറക്കി. കേന്ദ്രമന്ത്രിമാരായ നിതിൻ ഗഡ്കരി, അനുരാഗ് സിങ് താക്കൂർ, പ്രഹ്ലാദ് ജോഷി, പിയൂഷ് ഗോയൽ ഉള്‍പ്പെടെ 72 പേരുകളാണ് പട്ടികയിലുള്ളത്. നിതിൻ ഗഡ്കരി നാഗ്പൂരിൽ നിന്നും അനുരാഗ് താക്കൂർ ഹിമാചൽ പ്രദേശിലെ ഹമിപൂർ സീറ്റിൽ നിന്നും പ്രഹ്ലാദ് ജോഷി ധാർവാഡിൽ നിന്നും പിയൂഷ് ഗോയല്‍ മുംബൈ നോർത്തിൽ നിന്നും മത്സരിക്കും. കേന്ദ്ര സഹമന്ത്രിമാരായ ശോഭ കരന്തലജെ ബെംഗളൂരു നോർത്തിൽ നിന്നും തേജസ്വം സൂര്യ ബെംഗളൂരു സൗത്തിൽ നിന്നും ത്രിവേന്ദ്ര സിങ് ഹരിദ്വാറിൽ നിന്നും ജനവിധി നേടും.