രാഷ്ട്രപതിക്ക് സജ്ജമാക്കിയ ശുചിമുറിയിൽ വെള്ളമില്ല, റോഡിൽ മാലിന്യം; ബംഗാളിനോട് കേന്ദ്രം റിപ്പോർട്ട് തേടി

രാഷ്ട്രപതി ദ്രൗപദി മുർമുവിന്റെ പശ്ചിമ ബംഗാൾ സന്ദർശനത്തിനിടെ ഉണ്ടായ സുരക്ഷാ വീഴ്ചയയിലും പ്രോട്ടോക്കോൾ ലംഘനവും ഉണ്ടായെന്ന പരാതിയിൽ കേന്ദ്രവും സംസ്ഥാന സർക്കാരും തമ്മിലുള്ള തർക്കം രൂക്ഷമാകുന്നു. സംഭവത്തിൽ ഞായറാഴ്ച വൈകുന്നേരം അഞ്ച് മണിക്കകം വിശദമായ റിപ്പോർട്ട് നൽകാനാണ് കേന്ദ്ര ആഭ്യന്തര സെക്രട്ടറി ഗോവിന്ദ് മോഹൻ ബംഗാൾ ചീഫ് സെക്രട്ടറി നന്ദിനി ചക്രവർത്തിക്ക് നിർദ്ദേശം നൽകിയത്. രാഷ്ട്രപതിയുടെ സന്ദർശനവുമായി ബന്ധപ്പെട്ട വേദി, യാത്രാ സൗകര്യങ്ങൾ, ഔദ്യോഗിക മര്യാദകൾ എന്നിവയിൽ ഉണ്ടായ വീഴ്ചകളെക്കുറിച്ച് വ്യക്തമാക്കണമെന്ന് കേന്ദ്രം ആവശ്യപ്പെട്ടു.